ოკუპირებული აფხაზეთის დე ფაქტო საგარეო საქმეთა სამინისტრო გამოეხმაურა „ქართული ოცნების“ საპატიო თავმჯდომარის, ბიძინა ივანიშვილის განცხადებას, რომ საქართველოს ხელისუფლება 26 ოქტომბერის საპარლამენტო არჩევნებში გამარჯვების შემდეგ იპოვის ძალას ბოდიში მოიხადოს იმის გამო, რომ „ნაციონალურმა მოძრაობამ“ 2008 წელს ოსი დები და ძმები „ცეცხლის ალში გახვია“.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
„მიუხედავად იმისა, რომ ეს განცხადება აფხაზეთის რესპუბლიკას პირდაპირ არ ეხება, გვინდა აღვნიშნოთ, რომ ასეთი განცხადება - თუ ის გამყარებულია შერიგებისკენ მიმართული ნაბიჯებით, რომლებიც ეფუძნება წარსული შეცდომების გადაფასებას და სამხრეთ ოსეთისა და აფხაზეთის ხალხისადმი ბოდიშის მოხდას, პოლიტიკური და ეკონომიკური ზეწოლის მეთოდებზე უარის თქმას და სამშვიდობო ხელშეკრულების ხელმოწერას - შეიძლება გახდეს მშვიდობიანი არსებობისა და კეთილმეზობლური ურთიერთობებისკენ მიმავალი პროცესის დასაწყისი“, - ნათქვამია ე.წ. საგარეო საქმეთა სამინისტროს განცხადებაში.
დე ფაქტო ხელისუფლების შეფასებით, ივანიშვილის განცხადება აჩვენებს, რომ საქართველოში ჯერ კიდევ არსებობს შიდა გადაფასების და საკუთარი შეცდომების აღიარების რესურსი.
„იმედი ვიქონიებთ, რომ ბატონი ივანიშვილი იქნება უფრო გულწრფელი თავის განზრახვებში და აფხაზ ხალხთან მიმართებაში იპოვის სწორ სიტყვებს, რომლებიც ამჯერად არ ასცდება საქმეს და დასრულდება იურიდიულად სავალდებულო დოკუმენტის ხელმოწერით აფხაზეთსა და საქართველოსა და სამხრეთ ოსეთსა და საქართველოს შორის ძალის გამოუყენებლობის საერთაშორისო გარანტიების შესახებ“, - ვკითხულობთ განცხადებაში.
ბიძინა ივანიშვილმა ბოდიშის მოხდის შესახებ განცხადება 14 სექტემბერს, გორში, წინასაარჩევნო შეხვედრაზე გააკეთა.
მმართველი პარტიის ლიდერის განცხადებას „მოღალატეობრივი“ უწოდეს ოპოზიციაში. „ერთიანი ნაციონალური მოძრაობის“ შეფასებით, ამით „ქართული ოცნება“ ემსახურება მხოლოდ რუსეთის ინტერესებს, ძირს უთხრის ოკუპირებული ტერიტორიების არაღიარების პოლიტიკას და ვნებს საქართველოს ეროვნულ ინტერესს.
