Ամերիկայի Միացյալ Նահանգների նախագահ Ջո Բայդենը Վրաստանի կառավարությանը կոչ է անում թափանցիկորեն հետաքննել հոկտեմբերի 26-ի խորհրդարանական ընտրությունների ժամանակ բացահայտված բոլոր խախտումները։ Սպիտակ տան կողմից տարածված հայտարարության մեջ Բայդենն ասում է, որ խորապես անհանգստացած է Վրաստանի վերջին ժողովրդավարական հետընթացով:
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
«Միացյալ Նահանգները վաղուց կանգնած է վրաց ժողովրդի կողքին և աջակցում է Վրաստանի ինքնիշխանությանը, տարածքային ամբողջականությանը և եվրատլանտյան նկրտումներին։ Ահա թե ինչու ես խորապես անհանգստացած եմ երկրի վերջին ժողովրդավարական հետընթացով, ներառյալ օրենքների ընդունումը, որոնք պատճենում են ռուսական օրենքները, սահմանափակելով հիմնարար ազատությունները և անկախ քաղաքացիական հասարակության կազմակերպությունների համար տարածքը:
Բոլորովին վերջերս Վրաստանում հոկտեմբերի 26-ին կայացած խորհրդարանական ընտրությունների ժամանակ գրանցվել են վարչական ռեսուրսի չարաշահման, ինչպես նաև ընտրողներին ահաբեկելու և հարկադրելու բազմաթիվ դեպքեր։
Վրաստանի քաղաքացիներն իրավունք ունեն խաղաղ ճանապարհով արտահայտել իրենց տեսակետը այս ընտրությունների անցկացման վերաբերյալ, որոնք անկախ միջազգային և տեղական դիտորդները չեն հայտարարել ազատ և արդար։
Մենք կոչ ենք անում Վրաստանի կառավարությանը թափանցիկորեն հետաքննել բոլոր ընտրախախտումները, չեղարկել այնպիսի օրենքներ, ինչպիսիք են «Օտարերկրյա ազդեցության մասին օրենքը», որը սահմանափակում է հավաքների և արտահայտվելու ազատությունը, և սկսել անհապաղ, ընդգրկուն երկխոսություն Վրաստանի բոլոր քաղաքական ուժերի հետ՝ ընտրական արդարության վերականգնման շուրջ։
Մենք կոչ ենք անում բոլոր կողմերին խստորեն հարգել օրենքի գերակայությունը և հիմնարար ազատությունները, որոնք մնում են Վրաստանի եվրաատլանտյան ապագայի հիմքը», - ասված է Ջո Բայդենի հայտարարության մեջ։
Եվրամիությունը նույնպես կոչ է անում Վրաստանի իշխանություններին թափանցիկ հետաքննել ընտրությունների ընթացքում բացահայտված խախտումները։ ԵՄ բարձր ներկայացուցիչ Ժոզեֆ Բորելի խոսքով՝ Կենտրոնական ընտրական հանձնաժողովը և համապատասխան մարմինները պետք է հետաքննեն դիտորդների կողմից նշված խախտումները, ընտրողների ճնշումներն ու ահաբեկումները։
