«Մենք պետք է հետևենք Ռուսաստանում տեղի ունեցող իրադարձություններին։ Սա միակ բանն է, որ պետք է անենք։ Բնականաբար, բոլորին հանդարտության կոչ եմ անում։ Սա է, ուրիշ ոչ ավելին»,- այսպես է պատասխանել «Վրացական երազանքի» նախագահ Իրակլի Կոբախիձեն լրատվամիջոցների հարցին, թե արդյոք նախատեսվում է Ազգային անվտանգության խորհրդի նիստ գումարել և փակել վրաց-ռուսական սահմանը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Կոբախիձեն լրագրողների հետ զրույցում մեկնաբանել է «Հանուն Վրաստանի» կուսակցության առաջնորդ, նախկին վարչապետ Գիորգի Գախարիայի հայտարարությունը։ Գախարիան կոչ է անում կառավարությանը «պաշտպանել երկրի շահերը» և «հաշվի առնելով անկանխատեսելի իրավիճակը և պետության անվտանգությունը պաշտպանելու համար՝ ժամանակավորապես փակել Ռուսաստանի հետ սահմանները»։
«Նա նույնիսկ նախկինում նման անհեթեթություն չի ասել։ Երկրի անվտանգությունը պաշտպանված է, ամեն ինչ պաշտպանված է։ Այս ամբողջ ընթացքում մեր պետական գերատեսչությունները հոգում են այդ մասին։ Պետությունը ամուր կանգնած է անվտանգության պահակախմբի վրա, և մենք որևէ մեկի, հատկապես Գախարիայի ցուցմունքի կարիքը չունենք այս կապակցությամբ»,- ասել է Կոբախիձեն։
Իշխող կուսակցության նախագահը հիմարություն է համարում Լարսի սահմանային կետի փակումը։ Նրա խոսքով՝ Ռուսաստանի ներքին քաղաքականությունը Վրաստանի գործը չէ։
«Մենք չենք կարող միջամտել որևէ պետության, այդ թվում՝ Ռուսաստանի ներքին քաղաքականությանը։ Սա մեր գործը չէ։ Մենք պետք է հոգ տանենք մեր երկրի մասին, մենք պետք է պաշտպանենք մեր երկրի անվտանգությունը, և դա այն է, ինչի մասին մտածում է Վրաստանի կառավարությունը»,- ասել է Իրակլի Կոբախիձեն։
Հունիսի 23-ին «Վագներ» մասնավոր ռազմական ընկերության հիմնադիր Եվգենի Պրիգոժինը Ռուսաստանի պաշտպանության նախարարությանը մեղադրել է Ուկրաինայում «վագներականների» ճամբարները ռմբակոծելու մեջ և խոստացել է «արդարության երթ» սկսել։ Նրա խոսքով, 25 հազար «վագներականներ» պատրաստվում են պարզել, թե «ինչու է այս անկարգությունը տեղի ունենում երկրում»։
«Ռուսաստանի ռազմական ղեկավարության բերած չարիքին պետք է վերջ դրվի։ Նրանք անտեսում են զինվորների կյանքը, մոռացել են «արդարություն» բառը, և մենք այն հետ ենք բերելու։ Ուստի նրանք, ովքեր այսօր ոչնչացրին մեր տղաներին ու տասնյակ հազարավոր ռուս զինվորների կյանք խլեցին՝ կպատժվեն։ Մենք խնդրում ենք, որ մեզ ոչ ոք չընդդիմանա...մենք բոլորին, ովքեր մեզ ընդդիմանում են՝ սպառնալիք կհամարենք և անմիջապես կոչնչացնենք»,- ասել է Պրիգոժինը։
Ռուսաստանի պաշտպանության նախարարությունը «Վագների» դիրքերի ռմբակոծումը սուտ ու սադրանք է որակել։ Անվտանգության դաշնային ծառայությունը քրեական գործ է հարուցել Պրիգոժինի դեմ՝ զինված հեղաշրջման փորձի մեղադրանքով։ Մոսկվա քաղաքում, Մոսկվայի և Վորոնեժի շրջաններում հակաահաբեկչական գործողության ռեժիմ է հայտարարվել։ Երեկ երեկոյան Մոսկվայի կենտրոնում նույնպես ռազմական տեխնիկա է դուրս բերվել։
Այս պահին «Վագները» վերահսկում է ռազմական օբյեկտները Դոնի Ռոստովում՝ Ուկրաինայի սահմանի մոտ, այդ թվում՝ օդանավակայանը։ Պրիգոժինը հանդիպում է պահանջում պաշտպանության նախարար Սերգեյ Շոյգուի և Գլխավոր շտաբի պետ Վալերի Գերասիմովի հետ։
Նախագահ Վլադիմիր Պուտինը «Վագների» ղեկավար Եվգենի Պրիգոժինի ապստամբությունը գնահատել է որպես «դանակ թիկունքից» և խոստացել, որ բոլոր նրանք, ովքեր «բռնել են դավաճանության ճանապարհը», կպատժվեն «անխուսափելի պատժով»։
