Մեստիայի քաղաքապետ Կապիտոն Ժորջոլիանին հայտարարագրում թաքցնում է իր ունեցվածքը

Կապիտոն Ժորժոլիանին 7 գույքի սեփականատեր կամ համասեփականատեր է, որոնք նա չի հայտարարագրել.

• 1,235 քառ.մ հողատարածք և դրա վրա առկա առանձնատուն Մեստիա ավանում - համասեփականատիրություն,
• 57 քառ․մ բնակարան Թբիլիսիում, Չուբինաշվիլի փողոցում,
• 11,856 քառ.մ հողամաս Մեստիայի մոնիցիպալիտետի Մուլախ գյուղում – համասեփականատիրություն,
• 8,536 քառ.մ հողամաս Մեստիայի մունիցիպալիտետի Մուլախ գյուղում – համասեփականություն,
• 11,000 քառ.մ հողամաս Մեստիայի մունիցիպալիտետի Մուլախ գյուղում – սեփականություն,
• 3,203 քառ.մ հողամաս Մեստիայի մունիցիպալիտետի Մուլախ գյուղում – սեփականություն,
• 357 քառ.մ հողամաս Մեստիա ավանում – համասեփականատիրություն։

Հայտարարագրում Կապիտոն Ժորջոլիանին չի նշում նաև 2023 թվականին քաղաքապետի պաշտոնում ստացած աշխատավարձը։ Մեստիայի քաղաքապետի հայտարարագրում կնոջ՝ Նինո Խատիսկացու 2023 թվականի աշխատավարձը կազմում է 82 643 լարի։ Նինո Խատիսկացին «Ժողովրդավարական ներգրավման կենտրոնների ցանց» հասարակական կազմակերպության գործադիր տնօրենն է, որը հիմնադրվել և ֆինանսավորվում է ԱՄՆ Միջազգային զարգացման գործակալության (USAID) կողմից։

«Ով լրացնում է հայտարարագիրը, լավ գիտի, թե ինչ կարող եմ բաց թողնել հայտարարագիրը լրացնելու գործընթացում։ Ցավոք, մարդիկ, ովքեր իսկապես թաքցնում են իրենց եկամուտները, չեն լրացնում հայտարարագրերը և այդ պատճառով իրենց թույլ են տալիս նման ստեր և ապատեղեկատվություն տարածել»,- ասել է Կապիտոն Ժորջոլիանին։

«Կոռուպցիայի դեմ պայքարի մասին» օրենքի համաձայն՝ Մեստիայի քաղաքապետը պարտավոր է հայտարարագրում ամբողջությամբ արտացոլել իր ունեցվածքը։ Կապիտոն Ժորջոլիանին նախորդ տարում նույնպես չի հայտարարագրել իր ունեցվածքի և աշխատավարձի մասին տեղեկություն։

«Թրանսփարենսի Ինթերնեշնլ – Վրաստանը» դիմում է Հակակոռուպցիոն բյուրոյին՝ ուսումնասիրելու Կապիտոն Ժորջոլիանիի հայտարարագրում հայտնաբերված խախտումները և համապատասխան արձագանքելու համար։