ՌԴ ԱԳ նախարարությունում կարծում են, որ Արևմուտքը փորձում է փոխել Վրաստանի կառավարության ընտրությունը հօգուտ խաղաղության և երկիրը մղում է դեպի տնտեսական անկայունություն։
Լրահոս
Ընթերցողի ընտրանի
- 1 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 2 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Զատուլինը գովաբանում է «Վրացական երազանքի» կառավարությանը «պրագմատիզմի» համար
- 5 Գերագույն դատարանի ցմահ դատավոր Շալվա Թադումաձեն նշանակվել է ներքին գործերի փոխնախարար
- 6 Կավելաշվիլին պնդում է, որ Վրաստանի եվրաինտեգրման գործընթացը շարունակվում է
«Ռուսաստանն անտարբեր չէ, թե ինչպես է զարգանում իրավիճակը հարևան Վրաստանում։ Մեր ժողովուրդների ճակատագիրը սերտորեն փոխկապակցված է, նրանց միավորում է ընդհանուր պատմությունը, մշակույթը, հավատքը և մարդկանց միջև լայն շփումները», - ասել է դիվանագիտական առաքելությունը՝ ի պատասխան հունվարի 14-ին կայացած մամուլի ասուլիսի ժամանակ նախարար Սերգեյ Լավրովին ուղղված հարցին:
Լավրովին հարցրել են՝ «Արևմուտքի ճնշման ներքո Մոսկվան պատրա՞ստ է աջակցություն ցուցաբերել Վրաստանին, եթե, իհարկե, Թբիլիսին դա խնդրի»։
Հունվարի 24-ին հրապարակված պատասխանում ասվում է, որ Ռուսաստանը չի միջամտում երկրի ներքին գործերին՝ «ի տարբերություն ԱՄՆ-ի և Եվրոպական միության, որոնք շարունակում են իրենց կամքը բացահայտորեն պարտադրել Վրաստանին»։
«Վաշինգտոնի հեռացող վարչակազմը և Եվրոպական միության անդամներն անում են ամեն ինչ, որպեսզի փոխեն վրաց ժողովրդի և նրա ընտրված կառավարության ինքնիշխան ընտրությունը՝ հօգուտ խաղաղության և բարգավաճման: Թբիլիսիին վերջնագիր են տալիս՝ կա՛մ Արևմուտքի, կա՛մ Ռուսաստանի հետ։
«Վստահ ենք, որ Վրաստանի բնակչությունն ունի տոկունություն և իմաստություն՝ չդառնալու այլոց ձեռքում խաղալիք, ովքեր երկիրը մղում են դեպի տնտեսական և քաղաքական անկայունություն», - ասել են ԱԳ նախարարությունից:
Լավրովի պատասխանում ընդգծվել է, որ Թբիլիսիի հետ երկկողմ հարաբերությունների կարգավորումը բխում է ինչպես ռուս, այնպես էլ վրաց ժողովրդի շահերից։
«2023 թվականին ՌԴ նախագահ Վլադիմիր Պուտինի ընդունած որոշումները՝ վերականգնելու օդային հաղորդակցությունը և չեղարկելու Վրաստանի քաղաքացիների կարճաժամկետ այցերի համար վիզաները, զարկ տվեցին զբոսաշրջիկների փոխանակմանը։
Ընդլայնվում են ուղիղ չվերթների հաճախականությունն ու աշխարհագրությունը։ Մարդասիրական և գործարար կապերի հետագա խրախուսման նպատակով 2024 թվականի հոկտեմբերին առանց վիզայի ռեժիմը տարածվեց Վրաստանի այն քաղաքացիների վրա, ովքեր մեկնում են Ռուսաստան սովորելու, աշխատելու և ապրելու նպատակով։
Մենք պատրաստ ենք շարունակել ռուս-վրացական հարաբերությունների հետագա կարգավորման ուղին այնքանով, որքանով պատրաստ է Թբիլիսին», - ասել են ԱԳ նախարարությունից։
