Մոսկվայից Սոխումիի օդանավակայան առաջին չվերթն իրականացրել է պատժամիջոցների ենթարկված ավիաընկերությունը

«Այսօր շատ կարևոր իրադարձություն է տեղի ունեցել։ Ավելի քան 30 տարի անց Սոխումիի օդանավակայանը ընդունել է այն ինքնաթիռին, որին մենք այդքան սպասում էինք»,- ասել է օկուպացված Աբխազիայի դե ֆակտո հանրապետության նախագահի պաշտոնակատար և նախագահի թեկնածու Բադրա Գյունբան։ Ինքնաթիռում գտնվող 21 մարդկանց թվում եղել են նաև աբխազ ուսանողներ։

Գյունբայի խոսքով՝ զբոսաշրջային սեզոնի մեկնարկով իրենք ակնկալում են կանոնավոր չվերթներ դեպի ռուսական քաղաքներ։ «Վստահ եմ, որ դեպի Ռուսաստան թռիչքների աշխարհագրությունը կընդլայնվի»,- նշել է նա։

Փորձնական թռիչքին նախորդել է Ռուսաստանի նախագահի աշխատակազմի ղեկավարի առաջին տեղակալ Սերգեյ Կիրիենկոյի այցը օկուպացված Աբխազիա։ Նրա խոսքով՝ «սկզբունքային նշանակություն ունի», որ օդանավակայանի վերակառուցումն ավարտվի մինչև մայիսի 1-ը։

«Վլադիսլավ Արձինբայի անվան Սոխումիի միջազգային օդանավակայանի» վերականգնման մասին այսպես կոչված համաձայնագիրը Ռուսաստանի և դե ֆակտո Աբխազիայի կառավարությունների միջև ստորագրվել է 2023 թվականի հունիսին։ Օդանավակայանը վերակառուցում է «Ենթակառուցվածքային զարգացում» ՍՊԸ-ն, որը պատկանում է Ռուսաստանի ներքին գործերի նախկին նախարար, ներկայումս Անվտանգության խորհրդի քարտուղարի առաջին տեղակալ Ռաշիդ Նուրգալիևի որդուն (կրտսեր) Ռաշիդ Նուրգալիևին։

Աբխազիայի դե ֆակտո կառավարությունը օդանավակայանը փոխանցել է ռուս ներդրողին՝ 49 տարով այն օգտագործելու իրավունքով։ Այտեղից 25 տարին «Ենթակառուցվածքային զարգացում» ՍՊԸ-ն կօգտվի հատուկ հարկային ռեժիմից, իսկ որոշակի արտոնությունները կշարունակվեն պայմանագրի ողջ ժամկետի ընթացքում։ Պայմանագրի համաձայն՝ օդանավակայանը պահպանում է իր երկակի նշանակության կարգավիճակը։

Սոխումիի օդանավակայանը բացվել է 1960-ականներին և գտնվում է Սոխումիից 18 կիլոմետր հեռավորության վրա՝ Բաբուշարա գյուղում։ Այն փակվել է 1993 թվականին Աբխազիայի հակամարտության հետևանքով։