Ուկրաինայի նախագահ Վլադիմիր Զելենսկիի խոսքով՝ Ռուսաստանի և Ուկրաինայի միջև պատերազմը մոտ է ավարտին։ ԱՄՆ կատարած այցի ժամանակ ABC News-ին տված հարցազրույցում Զելենսկին ասել է, որ հաղթանակի ծրագիրը Ուկրաինայի հզորացումն է։
Լրահոս
Ընթերցողի ընտրանի
- 1 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 2 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 3 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 4 Զատուլինը գովաբանում է «Վրացական երազանքի» կառավարությանը «պրագմատիզմի» համար
- 5 Գերագույն դատարանի ցմահ դատավոր Շալվա Թադումաձեն նշանակվել է ներքին գործերի փոխնախարար
- 6 Եթե Իվանիշվիլին իրականացնի դեկտեմբերի 29-ի ծրագիրը, նա պետք է սպասի անհավանական պատասխանի․ Ուիլսոն
«Այդ պատճառով մենք խնդրում ենք մեր ընկերներին, մեր դաշնակիցներին, որ մեզ ուժեղացնեն։ Սա շատ կարևոր է։ Մտածում եմ՝ մենք ավելի մոտ ենք խաղաղությանը, քան կարծում ենք։ Մենք մոտ ենք պատերազմի ավարտին։ Մենք պարզապես պետք է շատ ուժեղ լինենք»,- ասել է Ուկրաինայի նախագահը։
Վլադիմիր Զելենսկին նաև նշել է, որ ՌԴ նախագահ Վլադիմիր Պուտինը «վախենում է» Կուրսկի շրջանում Ուկրաինայի զինված ուժերի գործողություններից։
«Դա ճիշտ է։ Նա շատ է վախենում, քանի որ իր ժողովուրդը տեսել է, որ նա չի կարող պաշտպանել իր ողջ տարածքը»,- Զելենսկին հավելել է, որ Ուկրաինան կարող է միայն «ուժեղ դիրքերից դրդել Պուտինին դադարեցնել պատերազմը»։
Սեպտեմբերի 22-ից Վլադիմիր Զելենսկին պաշտոնական այցով գտնվում է Ամերիկայի Միացյալ Նահանգներում, որի ընթացքում Նյու Յորքում կմասնակցի ՄԱԿ-ի Գլխավոր ասամբլեայի նիստերին։ Բացի այդ, Զելենսկին պատրաստվում է նախագահ Ջո Բայդենին և հիմնական քաղաքական առաջնորդներին ներկայացնել Ուկրաինայի «Հաղթանակի ծրագիրը»։ Շաբաթվա վերջին նա Վաշինգտոնում կհանդիպի նաև նախագահի թեկնածուներ Քամալա Հարիսի և Դոնալդ Թրամփի հետ։
