უკრაინის პრეზიდენტის, ვოლოდიმირ ზელენსკის განცხადებით, რუსეთსა და უკრაინას შორის ომი დასასრულთან ახლოს არის. აშშ-ში ვიზიტის დროს, ABC News-სთან ინტერვიუში ზელენსკიმ თქვა, რომ გამარჯვების გეგმა უკრაინის გაძლიერებაში მდგომარეობს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„ამიტომ ვთხოვთ ჩვენს მეგობრებს, ჩვენს მოკავშირეებს, გაგვაძლიერონ. ეს ძალიან მნიშვნელოვანია. ვფიქრობ, ჩვენ იმაზე უფრო ახლოს ვართ მშვიდობასთან, ვიდრე გვგონია. ჩვენ ახლოს ვართ ომის დასრულებასთან. უბრალოდ ჩვენ უნდა ვიყოთ ძალიან ძლიერები“, - თქვა უკრაინის პრეზიდენტმა.
ვოლოდიმირ ზელენსკიმ ასევე აღნიშნა, რომ რუსეთის პრეზიდენტს, ვლადიმერ პუტინს კურსკის ოლქში უკრაინის შეიარაღებული ძალების ოპერაციის „ეშინია“.
„ეს მართალია. მას ძალიან ეშინია, რადგან მისმა ხალხმა დაინახა, რომ მას არ შეუძლია მთელი თავისი ტერიტორიის დაცვა“, - ზელენსკიმ დასძინა, რომ უკრაინას მხოლოდ „ძლიერი პოზიციიდან“ შეუძლია „პუტინს ომის დასრულებისკენ უბიძგოს“.
22 სექტემბრიდან ვოლოდიმირ ზელენსკი ამერიკის შეერთებულ შტატებში იმყოფება ოფიციალური ვიზიტით, რომლის ფაგლებშიც ის ნიუ-იორკში, გაეროს გენერალური ასამბლეის სესიებს დაესწრება. გარდა ამისა, ზელენსკი აპირებს პრეზიდენტ ჯო ბაიდენსა და მთავარ პოლიტიკურ ლიდერებს უკრაინის „გამარჯვების გეგმა“ წარუდგინოს. კვირის ბოლოს, ვაშინგტონში ის ასევე შეხვდება პრეზიდენტობის კანდიდატებს, კამალა ჰარისს და დონალდ ტრამპს.
