Վրաստանի խորհրդարանի նախագահ Շալվա Պապուաշվիլին այսօր հերթական անգամ հարձակվել է «Մթիս Ամբեբի» լրատվականի վրա։ Նրան դուր չի գալիս, որ մեր լրատվականն անդրադառնում է Շովիում տեղի ունեցած ողբերգությանը տարերային աղետի առաջին իսկ րոպեներից։ Սա դուր չի գալիս իշխանության ներկայացուցիչներին և «Վրացական երազանք» քաղաքական թիմի առաջնորդներին։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Մեր պարտականությունն է հանրությանը տեղեկացված պահելը, հատկապես ճգնաժամի ժամանակ: Հիմա նույնպես միայն սրա վրա ենք կենտրոնանում։ Իշխանության նպատակը մեզ շեղելն է, մեր ուշադրությունը այլ հարցերին ուղղելը և հասարակության մեջ խառնաշփոթ ստեղծելը։ Մենք չենք պատրաստվում իշխանության հետ քաղաքական բանավեճի մեջ մտնել։
Կառավարությունը թույլ չի տալիս մեզ մտնել աղետի գոտի, սահմանափակել է հանրային տեղեկության հրապարակումը պետական գերատեսչություններում։ Փաստացի, մենք մի շարք փաստաթղթերի հասանելիություն չունենք։ Չնայած դրան՝ մենք կշարունակենք հետաքննել բնական աղետների պատճառները, բացահայտել հանցագործության նշաններ պարունակող փաստեր և անաչառ տեղեկություն տրամադրել հանրությանը։
Վերջին օրերին «Վրացական երազանքը» ագրեսիվ արշավ է իրականացնում «Մթիս Ամբեբիի» դեմ։ Սա սպառնում է մեր լրագրողների ֆիզիկական անձեռնմխելիությանը և մասնագիտական գործունեությանը, խորհրդարանի նախագահի, խորհրդարանական մեծամասնության առաջնորդի և այլ հասարակական գործիչների չհիմնավորված ու անպատասխանատու հայտարարությունները խրախուսում են բռնության վտանգավոր ձևերը։ Կոչ ենք անում պատկան մարմիններին ապահովել «Մթիս Ամբեիի» լրագրողների անվտանգությունը։