Լրահոս

Մուշևանը Բոլնիսիից 14 կիլոմետր հեռավորության վրա է գնտվում։ Գյուղում ապրում է մոտ 1000 մարդ՝ էթնիկ ադրբեջանցիներ։ Մուշևանում չկա մանկապարտեզ, խմելու ջուր, բնական գազ, կազմակերպված չէ գյուղի ներքին ճանապարհները, գյուղի ոռոգման համակարգը։ Ընկերությունը տեղի բնակիչներին խոստացել է լուծել այս խնդիրները և առաջարկել է հուշագիր ստորագրել, սակայն բնակչության մի ստվար զանգվածը չի համաձայնել։

Շրջակա միջավայրի վրա ազդեցության գնահատման փաստաթղթերի համաձայն՝ Մուշևանից 808 մ հեռավորության վրա բաց եղանակով օգտակար հանածոների արդյունահանում է իրականացվելու, որը պահանջում է շաբաթական 1-2 պայթյուն, իսկ արդյունահանվող հանքաքարի տեղափոխումը նախատեսվում է իրականացնել 24 ժամ։ Նաև գյուղի մոտ պետք է կառուցվեն լայնածավալ օժանդակ ենթակառուցվածքներ, մասնավորապես՝ արտադրական տարածք, սպասարկող անձնակազմի գրասենյակ, սարքավորումների կայանատեղի, մուտքի ճանապարհներ և այլն։ Քարհանքի հարևանությամբ կտեղակայվի 25,7 հա թափոն ապարների աղբավայր:

Այս փուլում ծրագրված գործունեությունը ենթադրում է ոսկու և պղնձի բաց եղանակով արդյունահանում առաջիկա 6 տարիների ընթացքում, թեև ընկերությունը հնարավորություն ունի պահանջելու ավելացնել և՛ այս ժամկետը, և՛ հանքարդյունաբերության տարածքը։

Նոյեմբերի 1-ին Շրջակա միջավայրի ազգային գործակալությունը բնապահպանական որոշում է ընդունել Մուշևանի մոտակայքում ոսկու արդյունահանման մասին ընդամենը 11,27 հա տարածքով, թեև լիցենզիայով սահմանված հանքարդյունաբերական գույքի ընդհանուր մակերեսը կազմում է 175,8 հա։ Պաշարների ուսումնասիրությունից և ճշգրտումից հետո ընկերությունն իրավունք ունի նշված տարածքում նոր թույլտվությունների տրամադրում պահանջել:

Մուշևանի բնակիչներին իրավական հարցերում աջակցող «Սոցիալական արդարության կենտրոն» հասարակական կազմակերպությունը նշում է, որ Շրջակա միջավայրի ազգային գործակալությունը ոսկու արդյունահանման թույլտվություն է տվել՝ խախտելով օրենքով սահմանված ընթացակարգերը և պահանջները: Տեղի էթնիկ փոքրամասնության մասնակցությունը գործընթացին պատշաճ կերպով չի ապահովվել: Գործակալությունը, խախտելով օրենքը, չի դիտարկել և անտեսել է նրանց կողմից ներկայացված մեկնաբանությունները։ Սոցիալական արդարության կենտրոնը նախատեսում է այս որոշումը բողոքարկել դատարանում։