«Մենք պետք է միասին կանգնենք և հայտարարենք, որ չենք ճանաչում այս ընտրությունները, չենք ճանաչում Ռուսաստանի մուտքը Վրաստան այս տեսքով»,- Վրաստանի նախագահ Սալոմե Զուրաբիշվիլին ընդդիմադիր կուսակցությունների առաջնորդների հետ միասին կոչ է անում քաղաքացիներին վաղը՝ հոկտեմբերի 28-ին, ժամը 19:00-ին հավաքվել Ռուսթավելիի պողոտայում։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
- 5 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 6 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
Սալոմե Զուրաբիշվիլին Օրբելիանիների պալատում կայացած ճեպազրույցում ասել է, որ խորհրդարանական ընտրությունները «ամբողջովին կեղծված են»։
«Ես՝ որպես այս երկրում մնացած միակ անկախ ինստիտուտ, ուզում եմ ասել, որ չեմ ճանաչում այս ընտրությունները։ Այս ընտրությունները չեն կարող ճանաչվել, քանի որ դա նույնն է, ինչ ճանաչել Ռուսաստանի մուտքն այստեղ, Վրաստանը ենթարկել Ռուսաստանին։
Ես դրա համար չեմ եկել այս երկիր։ Մեր նախնիները դրա համար չեն ապրել, և մենք դա չենք հանդուրժելու մեր ապագա սերունդների համար։ Ոչ ոք չի կարող խլել Վրաստանի եվրոպական ապագան։
Քանի որ ես մեկ մարդ չեմ, ես ինստիտուտ եմ և այն ինստիտուտն եմ, որն այսօր ներկայացնում է Վրաստանի բնակչությանը, ես ուզում եմ դիմել բնակչությանը և ասել, որ մենք պետք է միասին կանգնենք և հայտարարենք, որ չենք ճանաչում այս ընտրությունները, մենք չենք ճանաչում Ռուսաստանը և նրա մուտքը Վրաստան այս տեսքով՝ նոր ձևով նվաճումը։ Մենք միասին ենք կանգնելու։ Ինձ հետ և այն կուսակցությունների հետ, որոնք մասնակցել են ընտրություններին և պաշտպանել եվրոպական ապագան՝ «Վրացական խարտիան»։
Նրանց հետ միասին ուզում եմ ձեզ ասել և հրավիրել վաղը երեկոյան, ժամը 7-ին, Ռուսթավելիի պողոտայում, որպեսզի միասին ասենք, աշխարհին հայտարարենք և միմյանց հայտարարենք, որ մենք չենք ճանաչում այս ընտրությունները։ Մենք պաշտպանում ենք մեր սահմանադրական իրավունքը՝ խաղաղ կերպով պաշտպանելու յուրաքանչյուր ձայն, բայց, ամենակարևորը, մեր ապագան և ապագայում այս երկրում արդար, ժողովրդավարական ընտրություններ անցկացնելու հնարավորությունը։ Մենք այս իրավունքը ոչ մեկին չենք տա։ Վաղը բոլորս միասին կասենք։ Սա խորհրդանշական հանրահավաք է լինելու»,- ասել է Սալոմե Զուրաբիշվիլին։
