Նախատեսում ենք նոր քաղաքական ուժով ներգրավվել նախընտրական քարոզարշավի մեջ․ Քացարավա

«Այսօր մենք հայտարարում ենք նախընտրական քարոզարշավի մեջ նոր քաղաքական միասնության, քաղաքական ուժի ներգրավվման մասին։ «Մենքը» հիմնադրվել է մարդկանց կողմից, ովքեր միշտ կռվել են և պայքարելու են հանուն Վրաստանի։ «Մենքը» մարդկանց միասնություն է, ովքեր գիտակցում են, թե որքան կարևոր է այսօր համախմբվել, շփվել հասարակության հետ և միանալ այս պայքարին։ Պայքարը էկզիստենցիալ է։ Մենք սկսել են և միասնաբար անպայման հաղթելու ենք»,- այսօրվա ճեպազրույցում ասել է Քացարավան։

Դավիթ Քացարավայի խոսքով՝ իր կուսակցությունը պատրաստ է միավորվել այլ կուսակցությունների հետ և սատարում է միասնական ընտրական ցուցակի գաղափարը։

«Մեր դուռը բաց է բոլորի համար, քանի որ գիտակցում ենք, որ միասնությունն ամենակարևորն է։ Այսօր էլ մենք մեր պատրաստակամությունն ենք հայտնում այն ​​միասնությանը, որի մասին խոսվեց, կա և, հավանաբար, նորից կլինի: Սա միասնական ցուցակի հանրային պահանջն է, և մենք այսօր էլ այս ցուցակի կողմնակիցներն ենք»,- նշել է Քացարավան։

Նոր կուսակցությանը միանում են նաև հասարակայնության հետ կապերի մասնագետ Խատիա Բակուրաձեն, ակտիվիստ Լաշա Քվլիվիձեն, քաղաքագետ Գիգիշա Պատարիձեն և տնտեսագետ Լաշա Մգելաձեն։