„ანტისაოკუპაციო მოძრაობის“ ლიდერმა, დავით ქაცარავამ პოლიტიკური პარტია „ჩვენ“ დააფუძნა. გაერთიანების წევრებს შორის არიან ადვოკატი მიხეილ რამიშვილი, კონფლიქტოლოგი აკია ბარბაქაძე და მსახიობი კახა გოგიძე.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„დღეს ვაანონსებთ ახალი პოლიტიკური ერთობის, პოლიტიკური ძალის ჩართვას წინასაარჩევნო კამპანიაში. „ჩვენ“ დაფუძნდა იმ ადამიანების მიერ, რომლებიც ყოველთვის იბრძოდნენ და იბრძოლებენ საქართველოსთვის. „ჩვენ“ - ეს არის იმ ადამიანების ერთობა, რომელიც აცნობიერებენ, თუ რამდენად მნიშვნელოვანია დღეს ერთობა, საზოგადოებასთან ურთიერთობა და ამ ბრძოლაში ჩართვა. ბრძოლა არის ეგზისტენციალური ხასიათის! ჩვენ დავიწყეთ, ჩვენ ერთად აუცილებლად გავიმარჯვებთ“, - განაცხადა ქაცარავამ დღეს გამართულ ბრიფინგზე.
დავით ქაცარავას თქმით, მისი პარტია მზად არის, სხვა პარტიებთან გაერთიანდეს და მხარს უჭერს ერთიანი საარჩევნო სიის იდეას.
„ჩვენი კარი ყველასთვის ღიაა, რადგან ვაცნობიერებთ, რომ უმნიშვნელოვანესია ერთობა. ჩვენ დღესაც ვაფიქსირებთ მზაობას იმ ერთობისთვის, რომელზეც საუბარი იყო, არის და ალბათ, კიდევ იქნება; ეს არის ერთიანი სიის მიმართ საზოგადოების მოთხოვნა და ჩვენ ამ სიის აპოლოგეტები დღესაც ვართ“, - აღნიშნა ქაცარავამ.
ახალ პარტიას ასევე უერთდებიან საზოგადოებასთან ურთიერთობის სპეციალისტი ხატია ბაკურაძე, აქტივისტი ლაშა ქვლივიძე, პოლიტოლოგი გიგიშა პატარიძე და ეკონომისტი ლაშა მგელაძე.
