Ընդդիմությունն ու հարուստ «Էնջեոները» չեն խուսափի օրենքով սահմանված պատասխանատվությունից․ Կոբախիձե

«Իհարկե, այն քաղաքական գործիչները, ովքեր կազմակերպել են այս բռնությունը, բայց թաքնվել են իրենց աշխատասենյակներում, չեն կարող խուսափել այս օրերին զարգացած իրադարձությունների պատասխանատվությունից։ Նաև այս օրերի ընթացքում գրասենյակներում թաքնվել են հարուստ «Էնջեոների» ղեկավարները, ովքեր մասնակցել են այս, այդ թվում՝ բռնի միջոցառումներին աջակցելուն։

Այս մարդիկ, քաղաքական գործիչներն ու «էնգեոները» տասնյակ մարդկանց են զոհաբերել առողջությանը վնաս պատճառելու և քրեական պատասխանատվության ենթարկելու համար։ Կան մարդիկ՝ բռնի խմբավորումների անդամներ, որոնց սպառնում է մի քանի տարվա քրեական պատիժ»,- ասել է Կոբախիձեն այսօրվա ճեպազրույցում։

Ոչ լեգիտիմ վարչապետը հերթական անգամ շնորհակալություն է հայտնել ոստիկաններին՝ նշելով, որ նրանք գործել են «ավելի բարձր ստանդարտով, քան ամերիկյանն ու եվրոպականը»։

«Ուզում եմ ամփոփել անցած հինգ օրերը՝ ձախողված «Նացմայդանի» 5-օրյա ցիկլը։ Նախ ևս մեկ անգամ ուզում եմ շնորհակալություն հայտնել Ներքին գործերի նախարարությանը, անձամբ ՆԳ նախարարին, յուրաքանչյուր ոստիկանի։ ՆԳՆ-ն այս օրերի ընթացքում գործել է ավելի բարձր ստանդարտով, քան ամերիկյանն ու եվրոպականը։

Ինչպես գիտեք, առաջին երկու օրերի ընթացքում տեղի ունեցան դժբախտ դեպքեր։ Դրանից հետո անցած երեք օրվա ընթացքում համապատասխան գործողություններ են իրականացվել առանց միջադեպերի, և հերթական անգամ՝ ՆԳՆ-ն, ոստիկանությունը գործել է ամերիկյան և եվրոպական չափանիշներից ավելի բարձր չափանիշներով։ Կրկին շնորհակալություն նրանց դրա համար:

Մի կողմում ոչ եվրոպական բռնի բանդաներն էին, մյուս կողմից՝ եվրոպական ու եվրոպականից բարձր ոստիկանները, ինչը շատ գովելի է։

Ցավում ենք յուրաքանչյուր վիրավոր ոստիկանի, ցուցարարի ու լրագրողի համար»,- ասել է Կոբախիձեն։

Նոյեմբերի 28-ին Վրաստանի ոչ լեգիտիմ վարչապետ Իրակլի Կոբախիձեն հայտարարեց, որ Վրաստանը մինչև 2028 թվականի վերջը օրակարգ չի մտցնի անդամակցության բանակցություններ սկսելու հարցը և կհրաժարվի ԵՄ բյուջետային դրամաշնորհներից։ Որոշմանը հաջորդել են բողոքի ցույցեր Թբիլիսիում և շրջաններում։ Ոստիկանության ուժերը բողոքի ակցիայի բոլոր հինգ գիշերներն էլ ջրցան մեքենաներով և արցունքաբեր գազով ցրել են ցուցարարներին Ռուսթավելիի պողոտայում։ Հավանաբար, օգտագործվել են նաև ռետինե փամփուշտներ։ Քրեական և վարչական կարգով կալանավորվել է մոտ 250 մարդ, որոնցից ոմանք հատուկ ջոկատայիններին մեղադրվում են իրենց ծեծի ենթարկելու մեջ։