«Վրացական երազանքի» նախաձեռնությամբ «Հեռարձակողի մասին» օրենքում հերթական փոփոխություններ են նախատեսվում։ Օրենքի նախագծի համաձայն, որի հեղինակներն են Ռատի Իոնաթամիշվիլին, Դավիթ Մաթիկաշվիլին, Իրակլի Շատակիշվիլին, Դավիթ Սոնղուլաշվիլին, Անտոն Օբոլաշվիլին և Ալուդա Ղուդուշաուրին, Հանրային հեռարձակողի հոգաբարձուների խորհրդի 9 անդամների թիվն ավելանում է և կազմելու է 11։ Բացի այդ, վերացվում է մեկից ավելի ժամկետով նույն անձին խորհրդի անդամ ընտրելու արգելքը։
Լրահոս
Ընթերցողի ընտրանի
- 1 Այսպես կոչված բաճկոնների գործով Միխեիլ Սաակաշվիլին դատապարտվել է 9 տարվա ազատազրկման
- 2 Թբիլիսիի կենտրոնում հնչած կրակոցների հետևանքով սպանվել է, այսպես կոչված, օրենքով գողի եղբայրը
- 3 Սահմանի հատման գործով Սաակաշվիլիի պատիժները համախմբվել են և նա դատապարտվել է 12 տարի 6 ամիս ազատազրկման
- 4 ՄԱՇ․ Գեներալներ Գոգավան և Կուրաշվիլին ռուսական հանձնաժողովին կներկայանան առանց կուսակցական պատկանելության
- 5 Կավելաշվիլին ետ է կանչել ռուսական օրենքը չեղարկելու վերաբերյալ Զուրաբիշվիլիի սահմանադրական հայցը
- 6 «Սոփլիս Նոբաթիի» կաթի մեջ առողջության համար վտանգավոր նյութ է հայտնաբերվել
Խորհրդարանի լիագումար նիստում օրինագծի քննարկման հավանական ժամկետն է մայիսի 30-ից հունիսի 30-ը։ Նախաձեռնված տարբերակի համաձայն՝ Վրաստանի Հաղորդակցության ազգային հանձնաժողովին տրված է լիազորություն՝ խորհրդարան ընտրության ներկայացնելու հոգաբարձուների խորհրդի անդամության 2 թեկնածուների։ Գործող օրենսդրության համաձայն՝ մրցութային հանձնաժողովի կողմից ընտրված հոգաբարձուների թեկնածուներից 2-ին առաջադրում է հանրային պաշտպանը, 3-ին՝ խորհրդարանական մեծամասնություն կազմող խմբակցությունը/խմբակցությունները, 3-ին՝ խորհրդարանական ընդդիմության ամենամեծ թվով անդամներ ունեցող խմբակցությունները, 1-ին՝ Աջարիայի Ինքնավար Հանրապետության Գերագույն խորհուրդը։
Օրենքի նախագծով Հանրային հեռարձակողի հոգաբարձուների խորհրդի անդամի «6 տարուց ոչ ավելի» ժամկետը փոխարինվում է «6 տարի» գրառումով։ Խորհրդի նախագահի և նախագահի տեղակալի լիազորությունների ժամկետը 3 տարուց հասցվում է 6 տարվա:
Փոխվում են Հանրային հեռարձակման գլխավոր տնօրինության թեկնածուի որակավորման պահանջները։ Մասնավորապես, նշված որակավորման պահանջները սահմանող նորմը ձևակերպված է հետևյալ կերպ. գլխավոր տնօրենի պաշտոնի թեկնածուն պետք է լինի Վրաստանի քաղաքացի, որն ունի բարձրագույն կրթություն և առնվազն 10 տարվա աշխատանքային փորձ, այդ թվում՝ ղեկավար պաշտոնում և հեռարձակման և/կամ լրագրության ոլորտում աշխատելու առնվազն 5 տարվա փորձ և մարդու իրավունքների պաշտպանության և/կամ գիտամանկավարժական ոլորտում առնվազն 5 տարվա աշխատանքային փորձ։
Հանրային հեռարձակողի աշխատակցին թույլատրվում է միաժամանակ զբաղեցնել պաշտոն/կատարել վճարովի աշխատանք Հանրային հեռարձակողի Աջարիայի հեռուստատեսությունում և ռադիոյում։
Հանրային հեռարձակողը պարտավոր է պետբյուջեից ստացված հատկացումները Հանրային հեռարձակողի բյուջեի առնվազն 10%-ի չափով ուղղել վրացական գեղարվեստական հեռուստաֆիլմերի, վրացական վավերագրական հեռուստաֆիլմերի և վրացական հեռուստասերիալների ֆինանսավորման (ներառյալ համաֆինանսավորման) նպատակով՝ համապատասխան նյութատեխնիկական բազայի զարգացման և վրացական ազգային կինեմատոգրաֆիայի առաջմղման համար։
Փոխվում է Հանրային հեռարձակողի Աջարիայի հեռուստատեսության և ռադիոյի ֆինանսավորման չափը։ Մասնավորապես, գործող օրենքի համաձայն, Աջարիայի հեռուստատեսությունն ու ռադիոն ֆինանսավորվում են հանրային հեռարձակողի բյուջեից առնվազն 15%-ով։ Օրինակ՝ 2023 թվականին Հանրային հեռարձակողի Աջարիայի հեռուստատեսության և ռադիոյի գործունեության համար հատկացվել է 16 548 335 լարի։ Ըստ օրենքի նախագծի՝ մինչև 2026 թվականի հունվարի 1-ը այն ֆինանսավորվելու է Հանրային հեռարձակողի բյուջեի 16%-ով, իսկ 2026 թվականի հունվարի 1-ից՝ 17%-ով։
Օրենքի նախագիծը մայիսի 22-ին ընդունվել է խորհրդարանի բյուրոյի նիստում։ Փաստաթղթի քննարկումը հանձնարարվել է ոլորտային տնտեսության (գլխավոր հանձնաժողովի), ընթացակարգային հարցերի և կանոնակարգերի հանձնաժողովներին։
