ՆԳՆ-ը թմրամիջոցների հետ կապված հանցագործության մեղադրանքով ձերբակալել է 55 անձի

Կենտրոնական քրեական ոստիկանության վարչության տնօրեն Թեյմուրազ Կուպատաձեն կայացած ճեպազրույցում հայտարարել է, որ մեղադրյալները ներգրավված են եղել թմրամիջոցների իրացման սխեմաներում։ Մասնավորապես, տարբեր ինտերնետային հավելվածների և սոցիալական ցանցերի միջոցով, հետագայում վաճառքի համար, թմրամիջոցները տեղադրվել են որոշակի վայրերում, որոնք այնուհետև ուղարկվել են թմրամիջոց ձեռք բերելով հետաքրքրված անձանց՝ համապատասխան նշումներով և կոորդինատներով։

Մնացած 18 անձինք ձերբակալվել են խոշոր և առանձնապես խոշոր չափերով թմրամիջոցներ ապօրինի ձեռք բերելու և պահելու, մարիխուանա ապօրինի ձեռք բերելու և պահելու, ինչպես նաև առանձնապես խոշոր չափերով թմրանյութ պարունակող բույսի ապօրինի տնկման և աճեցման մեղադրանքով։

«Ոստիկանությունը թմրանյութային հանցագործության մեղադրանքով ձերբակալվածների անձնական խուզարկության ընթացքում նրանց մատնանշած վայրերից, ինչպես նաև անձնական մեքենաների և բնակելի բնակարանների խուզարկության արդյունքում առգրավել է առանձնապես խոշոր չափի տարբեր տեսակի թմրամիջոցներ. «Հերոին», «Կոկաին», «Սուբոտեքս» «Հաշիշ», «Մդմա», «Ալֆա-ՊՎՊ», «Սուբոքսին», այսպես կոչված սինթետիկ թմրանյութեր՝ «Մետամֆետամին», «Մետադոն», «Տրամադոլ», «Մեֆեդրոն», «Մարիխուանա» և թմրանյութ պարունակող բույս՝ կանեփ։ Առգրավվել են նաև փոքր էլեկտրական կշեռքներ, մարիխուանայի աճեցման համար նախատեսված համապատասխան սարքավորումներ, կպչուն ժապավեններ և հավանաբար թմրամիջոցների վաճառքից ստացված գումարներ»,- ասել է Թեյմուրազ Կուպատաձեն։

Ըստ նրա՝ թմրամիջոցների հետ կապված հանցագործության համար ձերբակալվածներից մեկից առգրավվել է նաև ատրճանակ, 26 փամփուշտ և 2 փամփշտատուփ։

Հետաքննությունն անցկացվում է քրեական օրենսգրքի մի քանի հոդվածներով։ Հանցագործությունները պատժվում են մինչև 20 տարի ժամկետով կամ ցմահ ազատազրկմամբ։