Daxili İşlər Nazirliyinin əməkdaşları tərəfindən ölkə miqyasında müxtəlif vaxtlarda həyata keçirilən əməliyyat və istintaq tədbirləri nəticəsində narkotiklərlə bağlı cinayət törətdiklərinə görə 55 nəfər saxlanılıb. Onlardan 37-si narkotik vasitələri satmaq və satmağa cəhddə ittiham olunurlar.
Əsas xəbərlər
Mərkəzi Kriminal Polis Departamentinin direktoru Teymuraz Kupatadze bu gün keçirilən brifinqdə bildirib ki, müttəhimlər narkotik satışı sxemlərinə qoşulublar. Xususilə, müxtəlif internet proqramları və sosial şəbəkələr vasitəsilə narkotik vasitələr sonradan satış üçün konkret yerlərdə yerləşdirilib, daha sonra həmin narkotik vasitələri almaqda maraqlı olan şəxslərə müvafiq təyinatlar və koordinatlarla göndərilib.
Qalan 18 nəfər isə qanunsuz olaraq külli miqdarda narkotik vasitələrin əldə edilməsi və saxlanması, marixuananın qanunsuz əldə edilməsi və saxlanması, habelə tərkibində xüsusilə külli miqdarda narkotik vasitə olan bitkinin qanunsuz əkilməsi və becərilməsi ittihamı ilə həbs edilib.
“Polis əməkdaşları narkotik cinayətlərində təqsirli bilinərək saxlanılan şəxslərin göstərdikləri yerlərdən şəxsi axtarışı zamanı, o cümlədən şəxsi avtomobillərinə və yaşayış evlərinə baxış keçirərkən onlardan sübut kimi külli miqdarda müxtəlif növ narkotik vasitələr götürüblər: “kokain”, “heroin”, “subutex”, “həşiş”, “Mdma”, “Alpha-PVP”, “Suboxin”, eyni adlı sintetik narkotik vasitələr, “metamfetamin”, “metadon”, “tramadol”, “mephedrone”, “amfetamin”, “marixuana” və narkotik bitki - çətənə. Həmçinin kiçik elektrik tərəziləri, marixuananın becərilməsi üçün nəzərdə tutulmuş müvafiq avadanlıqlar, yapışqan lentlər və narkotik vasitələrin satışından əldə edilən pullar götürülüb”, - Teymuraz Kupatadze bildirib.
