Եվրահանձնաժողովի նախագահ Ուրսուլա ֆոն դեր Լեյենը նախագահ Սալոմե Զուրաբիշվիլիի հետ հանդիպումից հետո ասել է, որ հոկտեմբերի 26-ին կայանալիք խորհրդարանական ընտրությունները վճռորոշ փորձություն են լինելու Վրաստանի ժողովրդավարության համար, ինչպես նաև վճռորոշ պահ ԵՄ-Վրաստան հարաբերությունների համար։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Հարգելի նախագահ, ես մեծապես հարգում եմ ձեր նվիրվածությունը Վրաստանի եվրոպական ճանապարհին: Մենք գտնվում ենք կարևոր պահում՝ գալիք ընտրությունները վճռորոշ փորձություն են լինելու Վրաստանի ժողովրդավարության համար և վճռական պահ ԵՄ-Վրաստան հարաբերությունների ապագայի համար»,- գրել է ֆոն դեր Լեյենը X սոցիալական ցանցում։
Սալոմե Զուրաբիշվիլին նույնպես գրել է Եվրահանձնաժողովի նախագահի հետ հանդիպման մասին: Նրա խոսքով՝ Ուրսուլա ֆոն դեր Լեյենի հետ զրույցի ընթացքում նա ևս մեկ անգամ հաստատել է վրաց ժողովրդի հավատարմությունը եվրոպական ճանապարհի արագացմանը։
«Ես ընդգծել եմ եվրոպական բարոյական աջակցության կարևորությունը, որպեսզի վրաց ժողովուրդը իրեն մեկուսացված չզգա, երբ հոկտեմբերի 26-ին կատարի իր եվրոպական ընտրությունը»,- գրել է նախագահը։
Բրյուսելում Սալոմե Զուրաբիշվիլին հանդիպել է Եվրոպական խորհրդի նախագահ Շառլ Միշելի հետ, ով X-ում գրել է, որ Վրաստանի ապագան կարող է որոշվել միայն Վրաստանում՝ վրաց ժողովուրդի կողմից։ Նրա խոսքով՝ բարեփոխումները, օրենքի գերակայությունը, ժողովրդավարական սկզբունքները եվրոպական ուղու հիմքն են։
Սալոմե Զուրաբիշվիլին Եվրոպա կատարած այցի շրջանակներում մասնակցել է «Վարշավայի անվտանգության ֆորումին»։ Վարշավայում նա հանդիպել է Լեհաստանի նախագահ Անջեյ Դուդայի, իսկ Բեռլինում՝ Գերմանիայի նախագահ Ֆրանկ-Վալտեր Շտայնմայերի հետ։
Վրաստանի իշխող կուսակցության առաջնորդները հայտարարել են, որ նախագահը գտնվում է արտերկրում առանց կառավարության համաձայնության և դրանով հերթական անգամ խախտում է երկրի սահմանադրությունը։ Ավելին, ըստ վարչապետ Իրակլի Կոբախիձեի, քաղաքական առաջնորդները, ովքեր Եվրոպայում հանդիպում են Զուրաբիշվիլիին, «կոպիտ անհարգալից վերաբերմունք» են ցուցաբերում Վրաստանի սահմանադրական կարգի նկատմամբ։
