Ընտրությունների նկատմամբ անվստահությունը կլինի ապակայունացման առաջին քայլը. նախագահ

«Ե՞րբ է առաջանում ընտրությունների արդյունքների նկատմամբ անվստահություն։ Երբ անվստահություն կա գործընթացի կամ գործընթացն իրականացնողների նկատմամբ։ Ուստի կարծում եմ, որ այսօր բոլորին ձեռնտու է հնարավորինս բարձր վստահություն ունենալ ԿԸՀ նախագահի և նրա տեղակալների նկատմամբ։

Սա նույնպես շատ կարևոր է, քանի որ այսօրվա աշխարհաքաղաքական իրավիճակում շատ վատ կլինի, եթե որևէ կերպ անվստահություն ստեղծվի Վրաստանում ընտրությունների արդյունքների նկատմամբ։ Սա առաջին քայլն է դեպի ապակայունացում, և եթե այս երկրին ինչ-որ բան պետք չէ՝ դա ցանկացած սպառնալիքն է, ցանկացած ապակայունացումը։

Բոլորը՝ նկատի ունեմ իշխող կուսակցությունը և բոլոր կուսակցությունները, շահագրգռված են կամ պետք է լինեն, որ այս ընտրություններն անցկացվեն հնարավորինս թափանցիկ, առավելագույն վստահությամբ հագեցած՝ անկախ նրանից, թե ինչ արդյունք կունենան։ Կոալիցիոն կառավարությունն իմ ցանկությունն է, որ երկիրը անցնի նոր մակարդակի, բայց անկախ նրանից, թե ինչպիսին կլինեն ընտրությունների արդյունքները, պետք է վստահություն լինի այս ընտրությունների արդյունքների նկատմամբ»,- լրատվամիջոցներին ասել է Սալոմե Զուրաբիշվիլին։

Նախագահի խոսքով՝ այն ամենն, ինչ անում է, ուղղված է ընտրությունների նկատմամբ վստահություն ձևավորելուն։ Բացի այդ՝ Սալոմե Զուրաբիշվիլին բացատրել է, թե ինչու է վետո դրել «Վրացական երազանքի» ընդունած ընտրական օրենսգրքի փոփոխությունների վրա։

«Կարևոր է, որ ԿԸՀ նախագահը ընտրվի 2/3-ով, գոնե թեկնածուի շուրջ կոնսենսուսի զգացում տվող թվով։ Օրենքի նախագծում վերացված ընդդիմադիր տեղակալն էլ է պետք, քանի որ գործընթացի նկատմամբ վստահություն է ստեղծվում բնակչության շրջանում։ Լսել եմ նաև դավադրության տեսությունը, որ, պարզվում է, ինչ-որ մեկը ցանկացել է սպանել նախագահին, և դա նշանակում էր, որ ընդդիմությունը վերահսկողության տակ էր առնելու ընտրությունները։ Ուստի վետոյի նոր տարբերակում մենք առաջարկել ենք, որպեսզի ցրենք այդ դավադրության տեսությունները, եթե ԿԸՀ նախագահի հետ ինչ-որ բան պատահի, և ես ակնհայտորեն ցանկանում եմ, որ նրան ոչինչ չպատահի, ապա նրա տեղը զբաղեցնի երկրորդ տեղակալը, իսկ ընդդիմության տեղակալը կմնար իր պաշտոնում։ Այս ամենը հակասում է այն ամենին, ինչ պնդում է իշխող ուժը»,- ասել է Սալոմե Զուրաբիշվիլին։

Նախագահի խոսքով՝ «Վրացական երազանքն» այնքան է արել, որ բոլորը հավատան, որ Կենտրոնական ընտրական հանձնաժողովի նախագահի պաշտոնակատար Գիորգի Կալանդարիշվիլին կողմնակալ է։ Սալոմե Զուրաբիշվիլին նշել է, որ Կալանդարիշվիլիի հասցեին նոր մեղադրանքներ կան։ Նա նկատի ունի «Պիրվելի» հեռուստաընկերությամբ մարտի 2-ին հեռարձակված այն լուրերը, ըստ որի ԿԸՀ նախագահը անշարժ գույք (այդ թվում՝ բնակարաններ Թբիլիսիի կենտրոնում) է գրանցել մոր, կնոջ, աներոջ կամ անչափահաս երեխաների անունով։ Բացի այդ՝ Գիորգի Կալանդարիշվիլիի կինը «Քարթու» բանկի վարկային բաժնի ղեկավարն է։

«Մեզ պատասխան է պետք, որպեսզի բոլորս իմանանք, որ այս «կապիտալի ստեղծման» մեջ, ինչպես իրենք են ասում, ոչ մի խնդիր չկա»,- ասել է Սալոմե Զուրաբիշվիլին։