Վրաստանի խորհրդարանի նախագահ Շալվա Պապուաշվիլին հերթական անգամ մեղադրել է ոչ կառավարական կազմակերպություններին և հայտարարել, որ նրանցից ոմանք «արմատական քաղաքական գործիչների» դաշնակիցներն են։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 3 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 4 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 5 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
- 6 Ընտրություններին եկած 2 076 791 ընտրողների բազան պետք է փոխանցվի չեզոք հարթակի․ Գախարիա
Խորհրդարանի գործունեության 2023 թվականի հաշվետվությունը ներկայացնելիս Պապուաշվիլին նաև մեղադրել է ոչ կառավարական կազմակերպություններին ապատեղեկատվություն տարածելու մեջ։
«Ցավալի իրողություն է, որ իշխանությունը և մեր հասարակությունը ստիպված էին միայնակ պայքարել ապատեղեկատվության դեմ։ Լավ դեպքերում նրանք լռում էին, իսկ որոշ դեպքերում էլ՝ հասարակական կազմակերպություններն իրենք էին մասնակցում ապատեղեկատվության ստեղծմանը և տարածմանը, որոնք, որպես կանոն, պետք է չեզոք դիրքերից գնահատեին իրադարձությունները։ Ափսոս, որ վրացական իրականության մեջ մի քանի նման կազմակերպություններ հաճախ մրցակցում և նույնիսկ գերազանցում են ընդդիմությանը ապատեղեկատվության համաձայնեցված տարածման հարցում։ Ոչ կառավարական հատվածի այն հատվածը, որը պետք է արտահայտի հասարակության շահերը, գործնականում դարձել է արմատական քաղաքական գործիչների դաշնակիցը»,- ասել է Պապուաշվիլին։
Խորհրդարանի նախագահի խոսքով, «մարդիկ չեն լսում արմատականներին», բայց «արմատական կուսակցությունների և կազմակերպությունների ապատեղեկատվությունն» արդյունավետ է դառնում, երբ Վրաստանի որոշ ռազմավարական գործընկերներ «դառնում են ապատեղեկատվության քարոզարշավի ակամա մասնակիցներ»։
«Դրա լավագույն օրինակն անցյալ տարվա մարտի ակցիաներն ու արշավն էր, որն ուղղված էր Վրաստանում դրսից ստացված միջոցները թափանցիկ դարձնելու մեր մտադրության դեմ, որոնք որոշ դեպքերում անտեղի և անօրինական են օգտագործվում տարբեր կազմակերպությունների և նրանց դաշնակից քաղաքական կուսակցությունների կողմից»,- նշել է Շալվա Պապուաշվիլին և հավելել, որ ոչ կառավարական սեկտորն ամենա ոչ թափանցիկն է այն ինստիտուտներից, որոնք ներգրավված են որոշումների կայացման գործընթացում։
Պապուաշվիլին պնդում է, որ օրենքի նախագիծը, որը «Վրացական երազանքը» չկարողացավ ընդունել 2023 թվականի մարտին զանգվածային բողոքի ակցիաների և միջազգային ճնշման պատճառով, «ոչ մի կերպ օրենք չէր գործակալների մասին և ոչ էլ ռուսական օրենք էր»։
