Օրփոլոյի զորավարժարանում դաշտային վարժանքների ժամանակ փոխգնդապետ է կայծակահարվել

Ինչպես հայտնում են ՊՆ-ից, վիրավոր սպային տեղում առաջին բուժօգնություն են ցուցաբերել զորամասի զինվորական բժիշկները և նա անմիջապես տեղափոխվել է Ախալցիխեի ռեֆերալ հոսպիտալ, որտեղ ձեռնարկվել են վերակենդանացման միջոցներ։

Նախարարությունից հայտնում են, որ տուժածի առողջական վիճակը գնահատվում է ծայրահեղ ծանր, սակայն վերակենդանացման բուժման արդյունքում հերմոդինամիկական ցուցանիշները կայունացել են։

Միջադեպի առնչությամբ Ռազմական ոստիկանության վարչության Սամցխե-Ջավախեթիի տարածաշրջանային բաժինը քննություն է սկսել։