ახალციხეში მდებარე ორფოლოს პოლიგონზე, გეგმიური საველე სწავლების დროს, საქართველოს თავდაცვის ძალების დასავლეთის სარდლობის მე-2 ქვეითი ბრიგადის 24-ე საარტილერიო ბატალიონის მეთაურს, ვიცე-პოლკოვნიკ გოდერძი აფრასიძეს მეხი დაეცა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
როგორც თავდაცვის სამინისტროში განაცხადეს, დაშავებულ ოფიცერს პირველადი სამედიცინო დახმარება ქვედანაყოფის სამხედრო ექიმებმა ადგილზე აღმოუჩინეს და დაუყონებლივ გადაიყვანეს ახალციხის რეფერალურ ჰოსპიტალში, სადაც მას რეანიმაციული ღონისძიებები ჩაუტარდა.
სამინისტროს ცნობით, დაშავებულის ჯანმრთელობის მდგომარეობა კრიტიკულად მძიმეა, თუმცა რეანიმაციული მკურნალობის შედეგად ჰერმოდინამიკური პარამეტრები დასტაბილურდა.
დაშავებული სამხედრო ახალციხიდან თბილისში, დამწვრობის ცენტრში გადაიყვანეს. როგორც ცენტრის ხელმძღვანელი, გუგა ქაშიბაძე ამბობს, მას დამწვრობითი შოკი აქვს და რეანიმაციულ განყოფილებაში მართვით სუნთქვაზე იმყოფება.
მომხდართან დაკავშირებით სამხედრო პოლიციის დეპარტამენტის სამცხე-ჯავახეთის რეგიონალურმა სამმართველომ მოკვლევა დაიწყო.
