«Ուզում եմ դիմել Ներքին գործերի նախարարին, ում հետ, ցավոք, չեմ կարողանում կապ հաստատել։ Իմ վարչակազմը չի կարողանում կապ հաստատել նրա տեղակալի հետ։ Իշխանության պաշտոնական գիծը նույնպես չի աշխատում, և ես ուզում եմ խնդրել և կոչ անել ոստիկանությանը արձագանքել ավելի արագ, ավելի արդյունավետ, քանի որ մենք չենք կարող թույլ տալ, որ այս տեսակի լարվածություն լինի մեր ընտրական տեղամասերում»,- ասել է Վրաստանի նախագահ Սալոմե Զուրաբիշվիլին։ Այսօր տեղեկություններ են տարածվել ընտրական տեղամասերում կամ մերձակայքում լրագրողների ու դիտորդների նկատմամբ ճնշումների բազմաթիվ դեպքերի մասին, թեև ոստիկանությունը հիմնականում չի արձագանքում։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 5 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
- 6 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
«Երբեմն ոչնչացվում է մեդիայի տեխնիկան, երբեմն լինում է ուղղակի բռնություն, այնտեղ հավաքվում են խմբեր, որոնց միակ նպատակը լարվածություն, առճակատում ստեղծելն է, և սա շատ ցավալի է, քանի որ սա է մեր երկրի դեմքը, մեր երկրի հեղինակությունը։ Սա թուլության ցուցանիշ է։ Սրանից ոչ ոք չպետք է վախենա»,- նախագահը շնորհակալություն է հայտնել լրատվամիջոցների ներկայացուցիչներին «արտակարգ խիզախության և արդյունավետության համար»։
Սալոմե Զուրաբիշվիլին ևս մեկ անգամ դիմել է ընտրողներին և հորդորել շարունակել բարձր մասնակցությունը կեսօրից հետո։
«Ուզում եմ դիմել մեր բոլոր քաղաքացիներին և ասել, թե որքան կարևոր են այսօրվա ընտրությունները։ Ակտիվությունը շատ բարձր է, և սա շատ լավ նշան է։ Սա, ամենայն հավանականությամբ, կշարունակվի մինչև կեսօր, և մենք ակնկալում ենք ավելի բարձր ակտիվություն: Արտասովոր աշխուժություն է նկատվում նաև դրսում, թեև այնտեղ պայմանները բավականին ծանր են։ Չնայած սրան՝ մեր հայրենակիցներն ակտիվորեն գնում են այնտեղ, և մենք շատ շնորհակալություն ենք հայտնում»,- ասել է նախագահը։
Վրաստանի Կենտրոնական ընտրական հանձնաժողովի տվյալներով՝ ժամը 15:00-ի դրությամբ խորհրդարանական ընտրություններին մասնակցությունը կազմել է 41,62%, ինչը նշանակում է, որ ընտրատեղամասեր է եկել 1 454 837 ընտրող։ 2020 թվականի խորհրդարանական ընտրություններին մասնակցությունը ժամը 15:00-ին կազմել է 36,45%, 2016-ին՝ 34,79%, իսկ 2012-ին՝ 44,99%։