Ուկրաինայում զոհվել է վրացի մարտիկ Լևան Սախելաշվիլին

Ուկրաինայում վրացի կամավոր Ռոմեո Փարուլավայի խոսքով՝ Սախելաշվիլին պատերազմի առաջին օրերից ամենաթեժ կետերում է եղել։

«Իրպենն էր՝ Կիևի մարզում։ Լիսիչանսկին էր։ Իզիումն էր։ Այն վայրը, որտեղ նա մահացել է այսօր։ Կասեմ նաև Բաշտանկա քաղաքը [Միկոլաևի շրջան], ավելին ասելու իրավունք չունեմ։ Այս վայրերում բոլոր մարտերում առաջին գծում էր։ Ցավոք սրտի, այսօր մեզ հետ նման վատ բան տեղի ունեցավ»,- ասում է Փարուլավան։

Ուղղություններից մեկը, որտեղ այսօր ընթանում են ամենադժվար մարտերը, Խերսոնն է։ Օրեր առաջ Չեչնիայի ղեկավար, ՌԴ նախագահի դաշնակից Ռամզան Կադիրովը խոստովանել էր, որ այնտեղ չեչենական գումարտակներից մեկի 23 մարտիկ է զոհվել, 58-ը վիրավորվել են։

Խերսոն քաղաքը, որը օկուպացված է 2022 թվականի մարտի 1-ից, սեպտեմբերի վերջին Ռուսաստանի կողմից ներառվել է դաշնության կազմում։ Նույն ժամանակահատվածում Ուկրաինան անցավ հակահարձակման։ Հոկտեմբերին հաղորդվում էր, որ ռուսները սկսել են փախչել Խերսոնից, սակայն Ուկրաինայի պաշտպանության նախարարության գլխավոր հետախուզական բաժնի ղեկավար Կիրիլ Բուդանովը դա անվանել է «տեղեկատվական օպերացիա և մանիպուլյացիա»։ Նրա խոսքով՝ իրականում ռուսական բանակը պատրաստվում էր պաշտպանել քաղաքը։

Ռուսաստանը Ուկրաինայում պատերազմը սկսել է 2022 թվականի փետրվարի 24-ին և շարունակում է մինչ օրս։ Այս ընթացքում Ուկրաինայում զոհվել է 25 վրացի մարտիկ.

1. Լևան Սախելաշվիլի – Բաշտանկա, Միկոլաևի շրջան, 2022 թվականի նոյեմբեր,
2. Գուրգեն (Գուգա) Գագնիձե – Դոնեցկի շրջան, Բախմուտ, 2022 թվականի հոկտեմբեր,
3. Ալեքսանդրե Մարտիաշվիլի – Խերսոնի շրջան, 2022 թվականի հոկտեմբեր,
4. Միխեիլ Կափլանիշվիլիի - Խերսոնի շրջան, 2022 թվականի հոկտեմբեր,
5. Էդիշեր Կվարացխելիա - Դոնեցկի շրջան, հոկտեմբեր 2022,
6. Գելա Գոգիա - Դոնեցկի շրջան, 2022 թվականի օգոստոս,
7. Բերդիա Ջոխաձե - Խերսոնի շրջան, 2022 թվականի օգոստոս,
8. Կախա Գոգոլ - Լուգանսկի շրջան, 2022 թվականի հուլիս,
9. Ալուդա Զվիադաուրի - Լուգանսկի շրջան, 2022 թվականի հունիս,
10. Կիրիլ Շանավա - Լուգանսկի շրջան, 2022 թվականի հունիս,
11. Դանիել Գերլիանի - Լուգանսկի շրջան, 2022 թվականի հունիս,
12. Գիորգի Գրիգոլիա - Լուգանսկի շրջան, 2022 թվականի հունիս,
13. Ռատի Շուրգաիա - Խարկովի շրջան, Իզյում, մայիս 2022,
14. Տելման (Տատո) Բիվավա - Դոնեցկի շրջան, Մարիուպոլ, «Ազովստալ», մայիս 2022,
15. Վիտալի Օրբելաձե - Խարկովի շրջան, Իզյում, 2022 թվականի ապրիլ,
16. Զազա Բիցաձե - Լուգանսկի շրջան, 2022 թվականի ապրիլ,
17. Ալիկա Ցաավա - Լուգանսկի շրջան, 2022 թվականի ապրիլ,
18. Արկադի Կասրաձե - Լուգանսկի շրջան, Ռուբեժնոե, 2022 թվականի ապրիլ,
19. Դավիթ Մենաբդիշվիլի - Խարկովի շրջան, Իզյում, 2022 թվականի ապրիլ,
20. Նիկա Շանավա - Խարկովի շրջան, Իզյում, 2022 թվականի ապրիլ,
21. Դավիթ Գոբեջիշվիլի - Կիևի մարզ, քաղաք Իրպեն, 2022 թվականի մարտ,
22. Բախվա Չիկոբավա - Կիևի մարզ, քաղաք Իրպեն, 2022 թվականի մարտ,
23. Դավիթ Ռատիանի - Կիևի մարզ, Իրպեն քաղաք, 2022 թվականի մարտ,
24. Գիա Բերիաշվիլի - Կիևի մարզ, քաղաք Իրպեն, 2022 թվականի մարտ,
25. Օլեգ Գեգեչկորի - Կիևի մարզ, 2022 թվականի մարտ: