ՊԱԾ-ը ձերբակալել է պաշտպանության նախկին նախարար Ջուանշեր Բուրճուլաձեին

Բուրճուլաձեն մեղադրվում է 1 593 212 լարիի չափով անօրինական/անհիմն եկամուտների օրինականացման մեջ և նրան սպառնում է մինչև 12 տարվա ազատազրկում: Նույն գործով ՊԱԾ-ի կողմից արդեն ձերբակալվել են հետևյալ անձինք, որոնք գտնվում են նախնական կալանքի տակ.

• Գիորգի Խաինդրավա – պաշտպանության նախկին նախարար (Ջուանշեր Բուրճուլաձեի) տեղակալ
• Վլադիմեր Ղուդուշաուրի – պաշտպանության նախարարության գնումների վարչության նախկին ղեկավար
• Վասիլ Մխեիձե – Ջուանշեր Բուրճուլաձեի աներորդի

ՊԱԾ-ի տվյալներով՝ Ջուանշեր Բուրճուլաձեի հանձնարարությամբ, իր և Վասիլ Մխեիձեի համար օգուտ ստանալու նպատակով, Գիորգի Խաինդրավան և Վլադիմիր Ղուդուշաուրին, Մխեիձեի օգնությամբ, դիտավորյալ ստեղծել են ոչ մրցակցային միջավայր Պաշտպանության նախարարության կողմից մագնիսական ռեզոնանսային պատկերման (MRT) սարք գնելու գործընթացում:
 
Գործի նյութերի համաձայն՝ անիրատեսական գործարքների կնքման միջոցով MRT սարքի իրական շուկայական արժեքը արհեստականորեն բարձրացվել է, և 2 606 272 լարի արժողությամբ սարքը նախարարությանը տրամադրվել է 3 940 000 լարիով:

«Հանցավոր գործողությունների արդյունքում Վրաստանի պաշտպանության նախարարությանը պատճառվել է 1 333 728 լարիի գույքային վնաս», - ասել է Էմզար Գագնիձեն։

Ըստ ՊԱԾ-ի՝ Ջուանշեր Բուրճուլաձեի կողմից առանձնապես խոշոր չափերով ստացված անօրինական և/կամ անհիմն գույքը օրինականացնելու նպատակով, 2025 թվականի հունվարին նրա ընտանիքը Իսպանիայի Մալագա նահանգում 544 000 եվրոյով գնել է հողատարածք՝ դրա վրա առկա բնակելի տան հետ միասին։

«Քանի որ Ջուանշեր Բուրճուլաձեն և նրա կինը չեն գրանցել նշված գումարի օրինական ծագումը, նշված գումարի իրական ծագումը թաքցնելու/քողարկելու նպատակով, 2024 թվականի դեկտեմբերի 9-ին

Ջուանշեր Բուրճուլաձեի կնոջ և երրորդ կողմի միջև կնքվել է ֆիկտիվ գնման պայմանագիր՝ Ծղնեթի շրջանի Նուշի Բաղեբի փողոցում գտնվող անշարժ գույքի 620 000 եվրոյով վաճառքի վերաբերյալ։ Իրականում Ջուանշեր Բուրճուլաձեի ընտանիքը չի օտարել նշված գույքը, և պայմանագրի նպատակն էր միայն քողարկել Իսպանիա փոխանցվող գումարի ծագումը։

Բացի այդ, օգտագործվել են ֆիկտիվ վարկային պայմանագրեր։ Հատկանշական է նաև, որ Ջուանշեր Բուրճուլաձեն, նշված 544 000 եվրոյի ապօրինի ծագումը թաքցնելու համար, 2025 թվականի մարտին, իր կողմից լրացվող պաշտոնատար անձի հայտարարագրում ընդհանրապես չի նշել Իսպանիայում գնված անշարժ գույքը։ Վերը նշված մեթոդներով Ջուանշեր Բուրճուլաձեն օրինականացրել է առանձնապես խոշոր չափի՝ 1 593 212 լարիի ապօրինի/անհիմն եկամուտ», - ասել է Էմզար Գագնիձեն։

Գործը քննվում է Քրեական օրենսգրքի 194-րդ և 332-րդ հոդվածներով, որոնք ենթադրում են ապօրինի եկամուտների օրինականացում և պաշտոնեական լիազորությունների չարաշահում։ Մեղավոր ճանաչվելու դեպքում Բուրճուլաձեին սպառնում է 9-ից 12 տարի ազատազրկում։