Պատժամիջոցների հարցերով ԵՄ հատուկ ներկայացուցիչ Դեյվիդ Օ'Սալիվանն այսօր՝ հունիսի 26-ին, կայցելի Վրաստան։ Ըստ ԵՄ դեսպանատան՝ սա կլինի համատեղ այց, որին կմասնակցեն ԱՄՆ Պետդեպարտամենտի Պատժամիջոցները համակարգող գրասենյակի ղեկավար, դեսպան Ջիմ Օ՛Բրայենը և Միացյալ Թագավորության արտաքին գործերի, համագործակցության և զարգացման գրասենյակի տնտեսության, գիտության և զարգացման գրասենյակի գլխավոր տնօրենը՝ Կումար Իյերը։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 6 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
«Դեյվիդ Օ'Սալիվանը Վրաստանի իշխանությունների հետ կքննարկի ընդհանուր հետաքրքրություն ներկայացնող հարցեր, մասնավորապես՝ պատժամիջոցները և դրանց արդյունավետ իրականացումը։ Այցի նպատակն է բացել ուղիղ կապի ալիք և երկխոսություն հաստատել՝ հիմնված ապագա համագործակցության վրա»,- ասված է ԵՄ ներկայացուցչության տարածած հաղորդագրության մեջ։
Երկօրյա այցի շրջանակներում Դեյվիդ Օ'Սալիվանը կհանդիպի վարչապետ Իրակլի Ղարիբաշվիլիի, արտգործնախարար Իլիա Դարչիաշվիլիի, էկոնոմիկայի նախարար Լևան Դավիթաշվիլիի, ֆինանսների նախարար Լաշա Խուցիշվիլիի, Ազգային բանկի նախագահի պաշտոնակատար Նատիա Թուրնավայի և գլխավոր դատախազ Իրակլի Շոթաձեի հետ։ Նախատեսված են նաև հանդիպումներ բիզնեսի ներկայացուցիչների հետ։
Եվրամիության պաշտոնական տեղեկատվության համաձայն՝ Վրաստանի իշխանությունները համագործակցելու մեծ պատրաստակամություն են հայտնել հատուկ ներկայացուցչի այցի համար առանձնահատուկ նշանակություն ունեցող հարցերի շուրջ, և հույս կա, որ սերտ համագործակցությունը կշարունակվի։
Այս թեմայով՝
ԵՄ-ն Վրաստանին կոչ է անում միանալ ավիացիայի ոլորտում Ռուսաստանի դեմ սահմանված պատժամիջոցներին
