«Վրացական երազանքի» հետ սերտ կապեր ունեցող «Միացյալ չեզոք Վրաստան» հասարակական շարժման անդամները հայտարարել են, որ ընտրություններից հետո ընդդիմադիր կուսակցությունների արգելմանը զուգընթաց՝ «անպայման պետք է սկսվի» նրանց ընտրողների բացահայտումն ու դատապարտումը։ Ըստ նրանց՝ շուրջ 300 հազար մարդ «տարիներ շարունակ կյանք է տալիս հանցագործ քաղաքական ուժերին»։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Թբիլիսիում սպանվել է տրանսգենդեր կին Կեսարիա Աբրամիձեն
- 6 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
«Ընտրություններից հետո «Ազգային շարժման» հակասահմանադրական հռչակմանն ու նրանց օրինական պատասխանատվության ենթարկելուն զուգընթաց, պետք է բացահայտվեն ու դատվեն «Հավաքական ազգային շարժման» ընտրողները։
Արմատական ընդդիմության յուրաքանչյուր ընտրող պետք է կիսի իրավական պատասխանատվությունը, որպեսզի այս երկրում ոչ ոք չհամարձակվի աջակցել հակապետական, օտարերկրյա գործակալներին և թույլ տա ավելի շատ հանցագործություններ կատարել:
Պետք է լավ հասկանանք, որ «Հավաքական ազգային շարժման» օգտին ձայն տվող յուրաքանչյուր մարդ ունի ոչ պակաս իրավական, քաղաքական ու բարոյական պատասխանատվություն։ Հանցագործների օգտին քվեարկելը հանցագործություն է»,- ասել են «Չեզոք Վրաստանից»։
Հասարակական շարժման անդամների խոսքով՝ «Ազգային շարժման» և նրա «տարբեր բաժինների» օգտին քարոզչություն անող, սատարող և քվեարկող մարդիկ «մեղսակիցներ, օգնականներ, այսինքն՝ նույն հանցագործներն են» նրանց շարունակվող հանցագործության մեջ։
«Ստացվում է, որ առկա են հանցագործությանը մեղսակցության բոլոր ձևերը և Վրաստանի ՔՕ 22-24-րդ հոդվածներով նախատեսված կոնկրետ սուբյեկտներ՝ հանցագործություն կատարողներ (ՔՕ 22-րդ հոդված)՝ «Ազգային շարժման» և նրա բաժինների ներկայացուցիչներ։ Երկրորդ՝ հանցագործության մեջ օգնականներ (Քրեական օրենսգրքի 24-րդ հոդվածի 3-րդ մաս)՝ մարդիկ, ովքեր քարոզչություն են իրականացնում, աջակցում և քվեարկում հանցավոր քաղաքական կուսակցության (հանցագործի) օգտին և դրանով իսկ նպաստում հանցագործության կատարմանը», - նշվում է «Միացյալ չեզոք Վրաստանի» հայտարարության մեջ։
Իշխանությունում գտնվելու 12-րդ տարում «Վրացական երազանքը» իր համակիրներին խոստանում է, որ նոր խորհրդարանում սահմանադրական մեծամասնություն, այսինքն՝ 113 մանդատ ստանալու դեպքում, կնախաձեռնի իրավական գործընթաց, որի արդյունքում և՛ «Ազգային շարժումը» և նրա բոլոր արբանյակային և իրավահաջորդ կուսակցությունները կարգելվեն»։ Ինչպես պարզաբանել է վարչապետ Իրակլի Կոբախիձեն, բացի «Ազգային շարժումից», իրենք մտադիր են արգելել այնպիսի ընդդիմադիր կուսակցությունների, ինչպիսիք են «Ստրատեգիա Աղմաշենբելին», «Եվրոպական Վրաստանը», «Ախալին», «Գիրչի՝ ավելի շատ ազատությունը», «Դրոան», «Լելոն» և «Գախարիան հանուն Վրաստանին»։
