Շրջակա միջավայրի ազգային գործակալության տվյալներով՝ փետրվարի 28-ին և մարտի 1-2-ի գիշերը սպասվում է օդի ջերմաստիճանի զգալի անկում՝ Արևմտյան Վրաստանի ցածրադիր գոտիներում մինչև -5, -10 աստիճան, Արևելյան Վրաստանի նախալեռնային շրջաններում մինչև -7, -12, երկրի լեռնային շրջաններում մինչև -13, -18, բարձրլեռնային գոտում մինչև -18, -23 աստիճան:
Լրահոս
Ընթերցողի ընտրանի
- 1 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 2 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 3 Պատժամիջոցների ենթարկվելուց հետո Իվանիշվիլին օֆշորներից արդեն 12 ընկերություն է տեղափոխել Վրաստան․ TI
- 4 Թրամփի խոսքով՝ հանածոների վերաբերյալ համաձայնագիր ստորագրելու համար փետրվարի 28-ին կհանդիպի Զելենսկիի հետ
- 5 Ոստիկանները մտել են քաղաքացիական ակտիվիստների տներ, ձերբակալվել է Իսակո Դևիձեն
- 6 Բաթումիում գտնվող «Երազանքի քաղաքում» 2 երեխա է ընկել ջրով լի փոսը և մահացել
«Արևմտյան Վրաստանի ճանապարհներին պահպանվում են բարդ օդերևութաբանական պայմաններ՝ ճանապարհների մերկասառույց, էլեկտրահաղորդման գծերի սառցակալում և ձնահյուսի վտանգ երկրի բարձր լեռնային գոտում։
Առատ ձյան, վատ տեսանելիության, բքի, տեղ-տեղ մերկասառույցի և ճանապարհների որոշ հատվածներում ձնահյուսի վտանգի պատճառով հնարավոր է սահմանափակվի երթևեկությունը:
Կոլխեթիի հարթավայրում օդի ջերմաստիճանի անկումը գիշերը մինչև -5, -10 աստիճան կարող է վնաս պատճառել ցիտրուսային մշակաբույսերին (ռիսկի բարձր մակարդակ)»,- ասվում է գործակալության հաղորդագրության մեջ։
Արդեն մեկ շաբաթ է, ինչ արևմտյան Վրաստանում ձյուն է տեղում։ Ձյան առատ տեղումները խնդիրներ են առաջացրել Գուրիայում, Աջարիայում, Իմերեթիում, Սամեգրելոյում, որտեղ ձյան ծածկը հասնում է երկու մետրի։ Բազմաթիվ գյուղեր արգելափակված են, իսկ ներքին ճանապարհները շարունակում են մնալ անանցանելի։
Բնակչության զգալի հատվածը մի քանի օր է՝ հոսանքազրկված է, մի մասն էլ մնացել է առանց բնական գազի ու ջրի։
Ձյունը ավերել ու վնասել է տասնյակ տներ։ Աղետը Գուրիայում մարդկային կյանք է խլել։ Օզուրգեթիի մունիցիպալիտետի Կոնչկատի գյուղում մոտ 60 տարեկան տղամարդը փորձել է օգնել իր հարևանին տան տանիքը մաքրել, երբ տանիքը փլուզվել է և բետոնե սալիկն ընկել է նրա վրա։
Փետրվարի 25-ից «Վրացական երազանքի» կառավարության որոշմամբ բանակը ներգրավվել է աղետից տուժածներին օգնելու գործընթացում։ Ավելի վաղ կամավորներ էին կազմակերպվել մարդկանց օգնելու համար՝ սնունդ և դեղորայք հասցնելով ձյան մեջ մնացած ընտանիքներին։
«Վրացական երազանքի» վարչապետ Իրակլի Կոբախիձեի հայտարարության համաձայն՝ փետրվարի 27-ի դրությամբ Գուրիայում էլեկտրաէներգիա դեռևս չի մատակարարվում մոտ 10 հազար բաժանորդի։ Նրա խոսքով, նույն մարզի բնակավայրերը կապող ճանապարհների ավելի քան 70 տոկոսը մաքրվել է։
