გარემოს ეროვნული სააგენტოს ინფორმაციით, 28 თებერვალს და 1-2 მარტს, ღამის საათებში, მოსალოდნელია ჰაერის ტემპერატურის მნიშვნელოვანი დაკლება – დასავლეთ საქართველოს დაბლობში -5, -10 გრადუსამდე, აღმოსავლეთ საქართველოს ბარში -7, -12, ქვეყნის მთიან რაიონებში -13, -18, მაღალმთიან ზონაში -18, -23 გრადუსამდე.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 გომელაური, „ხარება“ და სხვა დასანქცირებული პოლიციელები ღირსების ორდენით დააჯილდოვეს
- 3 პოლიციის აკადემიის რექტორად სავარაუდო კორუფციაში მხილებული ლელა ჩიქოვანი დაინიშნა
- 4 პატიმრის ადვოკატი: „სახის არცერთი ძვალი მთელი არ აქვს, ეს აღწერილი არაა და რატომ, გაუგებარია“
- 5 მოიპოვებენ თუ არა საქართველოში ტაილანდელი ქალებისგან კვერცხუჯრედებს იძულებით
- 6 მზია ამაღლობელს კლინიკიდან პენიტენციურ დაწესებულებაში დღეს დააბრუნებენ
„დასავლეთ საქართველოს გზებზე ნარჩუნდება რთული მეტეოროლოგიური პირობები: ლიპყინული, ელექტროგადამცემ ხაზებზე შემოყინულობა, ხოლო ქვეყნის მაღალმთიან ზონაში-ზვავსაშიშროება.
საავტომობილო გზების ცალკეულ მონაკვეთებზე არსებული დიდთოვლობის, ხილვადობის გაუარესების, ქარბუქის, ლიპყინულის და ზვავსაშიშროების გამო შესაძლებელია შეიზღუდოს ტრანსპორტის მოძრაობა.
კოლხეთის დაბლობზე ღამის საათებში ჰაერის ტემპერატურის -5, -10 გრადუსამდე დაწევამ შესაძლებელია ციტრუსოვანი კულტურების დაზიანება გამოიწვიოს (საფრთხის დონე მაღალი)“, - ნათქვამია სააგენტოს განცხადებაში.
დასავლეთ საქართველოში ერთი კვირაა თოვს. დიდთოვლობამ პრობლემები შექმნა გურიაში, აჭარაში, იმერეთსა და სამეგრელოში, სადაც თოვლის საფარი ორ მეტრსაც აღწევს. ბევრ სოფელთან მისასვლელები ჩაკეტილია, ისევე როგორც გაუკვალავი რჩება შიდა გზები.
მოსახლეობის მნიშვნელოვან ნაწილს რამდენიმე დღეა არ მიეწოდება ელექტროენერგია, ნაწილი კი ბუნებრივი აირისა და წყლის გარეშეც არის დარჩენილი.
თოვლმა ათობით სახლი დაანგრია და დააზიანა. სტიქიას მსხვერპლი მოჰყვა გურიაში - ოზურგეთის მუნიციპალიტეტის სოფელ კონჭკათში 60 წლამდე მამაკაცი მეზობელს სახლის სახურავის გაწმენდაში ეხმარებოდა, როდესაც სახურავი ჩაინგრა და ქვეშ მოიყოლა.
25 თებერვლიდან, „ქართული ოცნების“ მთავრობის გადაწყვეტილებით, სტიქიით დაზარალებულების დახმარების პროცესში ჯარი ჩაერთო. მანამდე, ხალხის დასახმარებლად მოხალისეები დაორგანიზდნენ, რომლებიც თოვლში ჩარჩენილ ოჯახებს საკვებს და მედიკამენტების აწვდიან.
„ქართული ოცნების“ პრემიერ-მინისტრის, ირაკლი კობახიძის განცხადებით, 27 თებერვლის მდგომარეობით, გურიაში ელექტროენერგია 10 000-მდე აბონენტს კვლავ არ მიეწოდება. მისივე თქმით, ამავე რეგიონში დასახლებების დამაკავშირებელი გზების 70%-ზე მეტი გაწმენდილია.
