Ռուսաստանի նախագահ Վլադիմիր Պուտինը ազգամիջյան հարաբերությունների խորհրդի կազմում ընդգրկել է վրացական սփյուռքի ղեկավար Դավիթ Ցեցխլաձեին։ Ռուսական պետական լրատվամիջոցի տեղեկություններով, մինչ այժմ խորհրդի կազմում վրացական սփյուռքի ներկայացուցիչ ներառված չէր։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Նախագահի թեկնածու Միխեիլ Կավելաշվիլին բարձրագույն կրթություն չունի
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
Դավիթ Ցեցխլաձեն «Ռուսաստանում դաշնային վրացական ազգային-մշակութային ինքնավարություն» հասարակական կազմակերպության նախագահն է։ Նա կողմ է Ռուսաստանի և Վրաստանի միջև ուղիղ երկխոսության մեկնարկին և այդ կապակցությամբ դիմել է երկու երկրների կառավարություններին։
«Պետությունների միջև դիվանագիտական հարաբերությունների բացակայությունը բացասաբար է անդրադառնում ամեն ինչի վրա, այն զարգացման հնարավորություն չի տալիս ոչ տնտեսական, ոչ սոցիալական, ոչ հումանիտար, ոչ էլ հոգևոր առումով»,- ասում է Ցեցխլաձեն։ Նա կարծում է, որ երկրների միջև ուղիղ օդային հաղորդակցության վերականգնումը և Վրաստանի քաղաքացիների համար վիզային ռեժիմի վերացումը բավարար չէ։
Ցեցխլաձեն նաև սատարում է Ռուսաստանի պատերազմին Ուկրաինայում։ Օգոստոսին, երբ Ուկրաինայի զինված ուժերը հարձակում սկսեցին Կուրսկի շրջանում, նա խնդրել է գործողությանը մասնակցող վրացի մարտիկներին վայր դնել զենքերը և ասել, որ պատրաստ է կանգնել ռուսների վրա արձակած գնդակների առաջ։
«Հարյուր հազարավոր վրացիներ ապրում են Ռուսաստանի Դաշնությունում և աշխատում են երկրի առօրյայի բոլոր ոլորտներում։ Ռուսաստանի վրացիները բոլոր այլ ազգերի հետ միասին ավելի լավ ապագա են ստեղծում իրենց երեխաների համար խաղաղության և բարեկամության մեջ: Կուրսկի շրջանում վրացի վարձկանների հայտնվելն ուղղված է յուրաքանչյուրիս դեմ։ Ես կոչ եմ անում Ուկրաինայի զինված ուժերի շարքերում գտնվող բոլոր վրացիներին վայր դնել զենքերը և վերադառնալ իրենց ընտանիքներին։ Սա ձեր պատերազմը չէ, և դուք Վրաստանի պաշտոնական ներկայացուցիչը չեք, որը ծածանում է Վրաստանի դրոշը Ուկրաինայի զինված ուժերի շարքերում։
«Ես անձամբ կգամ Կուրսկ և կկանգնեմ այն փամփուշտնրի առաջ, որոնք արձակվում են ռուսների վրա»,- ասել է Ցեցխլաձեն։
Ազգամիջյան հարաբերությունների խորհուրդը Ռուսաստանի նախագահին կից խորհրդակցական մարմին է, որը քննարկում է Ռուսաստանի պետական ազգային քաղաքականության իրականացման հետ կապված հարցեր։ Ի թիվս այլ գործառույթների, խորհուրդը նախապատրաստում է առաջարկներ՝ նախագահին ներկայացնելու համար՝ որոշելու ազգային քաղաքականության առաջնահերթությունները:
Ազգամիջյան հարաբերությունների խորհուրդը ստեղծվել է 2012 թվականին Վլադիմիր Պուտինի հրամանի հիման վրա, որի նախագահը հենց Պուտինն է։
