Պուտինի խոսքով՝ զարմացած է Վրաստանի իշխանության քաջությունից

Նրան հարցրել են հարևան երկրներում, այդ թվում՝ Վրաստանում և Մոլդովայում կայացած ընտրություններին Ռուսաստանի միջամտության մասին պնդումների վերաբերյալ։

Վլադիմիր Պուտինի խոսքով՝ չնայած նախկին Խորհրդային Միության երկրների հետ բազմաթիվ շփումներին, Ռուսաստանը պաշտոնական մակարդակով «բացարձակապես չի միջամտում» Վրաստանի ներքաղաքական գործընթացներին, ինչը չի կարելի ասել Արևմուտքի մասին։

«Երբ Վրաստանում սկսվեցին իրադարձությունները, ես, անկեղծ ասած, զարմացած էի այդ ամենը դիտարկելիս։ Մենք նրանց հետ, Վրաստանի ղեկավարության հետ հարաբերություններ չունենք, բայց ինձ ուղղակի զարմացրեց նրանց քաջությունն ու բնավորությունը, որը նրանք դրսևորեցին՝ պաշտպանելու իրենց տեսակետը։ Հիմա ես նույնիսկ չեմ գնահատի այս տեսակետը»,- ասել է Պուտինը։