რუსეთის პრეზიდენტი ვლადიმერ პუტინი გაკვირვებულია საქართველოს ხელისუფლების „სიმამაცითა და ხასიათით“, რომელიც მან საკუთარი პოზიციების დაცვისას გამოავლინა. ამის შესახებ პუტინმა ასტანაში გამართულ პრესკონფერენციაზე განაცხადა.
ახალი ამბები
მკითხველის რჩეული
- 1 ვინ არის ბათუმის საქალაქო სასამართლოს მოსამართლე ნინო სახელაშვილი
- 2 „შერატონის“ მენეჯერის თქმით, ქორიძესა და გახარიაზე თავდასხმის ჩანაწერები შსს-ს ჯერ არ ამოუღია
- 3 მოსკოვი მზადაა, რუსეთ-საქართველოს „ურთიერთობების ნორმალიზაცია“ გააგრძელოს
- 4 ბაკურციხე-თბილისის გზაზე ავტოავარიის შედეგად ოთხი ადამიანი დაიღუპა
- 5 „ბო*იშვილი ვიყო, სისხლით დავიჭერ“ - ბათუმის პოლიციის უფროსი ირაკლი დგებუაძე მზია ამაღლობელზე
- 6 საია: დაკავების შემდეგ ირაკლი დგებუაძემ მზია ამაღლობელს სახეში შეაფურთხა
მას შეკითხვა მეზობელ ქვეყნებში, მათ შორის, საქართველოსა და მოლდოვაში ჩატარებულ არჩევნებში რუსეთის ჩარევის შესახებ ბრალდებებზე დაუსვეს.
ვლადიმერ პუტინის თქმით, ყოფილ საბჭოთა კავშირის ქვეყნებთან მრავალიცხოვანი კონტაქტების მიუხედავად, რუსეთი მათ შიდა პოლიტიკურ პროცესებში, ოფიციალურ დონეზე, „საერთოდ არ ერევა“, რასაც ვერ იტყვის დასავლეთზე.
„როდესაც საქართველოში მოვლენები დაიწყო, მე, გულწრფელად რომ ვთქვათ, გაკვირვებით ვაკვირდებოდი ამ ყველაფერს. მათთან, საქართველოს ხელმძღვანელობასთან არანაირი ურთიერთობა არ გვაქვს, მაგრამ მე უბრალოდ გაკვირვებული ვიყავი მათი სიმამაცითა და ხასიათით, რომელსაც თავიანთი თვალსაზრისის დასაცავად ავლენდნენ. ახლა არც კი შევაფასებ ამ თვალსაზრისს“, - განაცხადა პუტინმა.
საქართველოს მთავრობის ბოლოდროინდელი გადაწყვეტილებების, მათ შორის, ე.წ. „უცხოეთის აგენტების“ შესახებ რუსული კანონის მიღების გამო, ევროკავშირმა საქართველოს გაწევრიანების პროცესი შეაჩერა.
დღეს, ევროპარლამენტის კრიტიკული რეზოლუციის დამტკიცების შემდეგ, არალეგიტიმურმა პრემიერ-მინისტრმა ირაკლი კობახიძემ განაცხადა, რომ მთავრობა 2028 წლის ბოლომდე დღის წესრიგში არ დააყენებს ევროკავშირთან მოლაპარაკებების გახსნის საკითხს. ასევე, 2028 წლის ბოლომდე, უარს ამბობს ყოველგვარ საბიუჯეტო გრანტზე ევროკავშირის მხრიდან.
