«Վրացական երազանքի» պատգամավոր Իրակլի Քադագիշվիլին արձագանքել է Վրաստանում Գերմանիայի դեսպան Պիտեր Ֆիշերի հայտարարությանը, ըստ որի Վրաստանի կառավարության քաղաքականությունը հանգեցրել է որոշ խոշոր ռազմական նախագծերի չեղարկման։
Լրահոս
Ընթերցողի ընտրանի
- 1 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 ԿԸՀ-ի դիմումի հիման վրա կառավարությունը հոկտեմբերի 25-ը հայտարարել է ոչ աշխատանքային օր
- 6 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
«Նրանք պետք է լավ հիշեն, թե ինչ դեր ուներ Վրաստանը Աֆղանստանի պատերազմի ժամանակ։ Վրաստանն Աֆղանստանում գերմանացիներից ավելի քիչ դեր խաղա՞ց։ Մոռացե՞լ եք այս պատմությունը»,- ասել է Քադագիշվիլին և շարունակել.
«Այն նախագծերը, որոնք արվում էին, արվում էին Իրաքում, Աֆղանստանում և Աֆրիկայում կրկին իրենց շահերը սպասարկելու համար, երբ նրանք չափազանց ծույլ էին այնտեղ իրենց զորքերը ուղարկելու համար։ Եկեք ամեն ինչ կոչենք իր անունով։ Սեփական զինվոր ուղարկելը տասնապատիկ թանկ արժե, ուստի արժեր վրացի զինվոր ուղարկել»։
Բացի այդ, ըստ Իրակլի Քադագիշվիլիի, իշխող կուսակցության կողմից «Թափանցիկության մասին» օրենքի (ռուսական օրենք) ընդունումը «ոչ մի կապ չունի» և «ամեն ինչ պայմանավորված է նրանով, որ Վրաստանի կառավարությունն ուներ խիզախություն և հայրենասիրություն և կրիտիկական պահին, երբ Վրաստանը կարող էր կանգնել լինել-չլինելու եզրին, երկրորդ ճակատ չբացեց»։
«Սա միակ պատճառն է, որ նրանք ցանկանում էին իշխանափոխություն անել, ինչը չստացվեց, և իրենք զայրացած են։ Այս զայրույթի պատճառները ուղղակիորեն չի կարելի ասել։ Դրա համար երբեմն ընտրությունները կեղծվել են, ասում են, երբեմն էլ մտածում են այլ բանի մասին՝ առանց որևէ փաստարկի կամ կոնկրետության»,- ասել է Քադագիշվիլին։
Գերմանիայի դեսպան Պիտեր Ֆիշերը X հարթակում հրապարակել է լուսանկար, որը արվել է Վրաստանի պաշտպանության ուժերի հրամանատարի տեղակալ, բրիգադային գեներալ Իրակլի Ճիճինաձեի հետ Բուդեսվերում Գերմանիայի զինված ուժերի հիմնադրման օրը։ Դեսպանի խոսքով, ինքը հպարտ է գերմանա-վրացական ռազմական համագործակցությամբ և Վրաստանի պաշտպանության ուժերի հնարավորություններին Գերմանիայի աջակցությամբ։ Սակայն նա հավելել է, որ «ցավոք, Վրաստանի ներկայիս քաղաքականությունը մտահոգիչ է Գերմանիայի համար և հանգեցրել է Վրաստանում որոշ խոշոր ռազմական նախագծերի չեղարկմանը»։
2021 թվականին, երբ սկսվեց ՆԱՏՕ-ի զորքերի դուրսբերումը Աֆղանստանից, բրիգադային գեներալ Իրակլի Ճիճինաձեն ասում էր, որ Աֆղանստանում խաղաղապահ առաքելությունը վրացական ստորաբաժանումներին «բավականին մեծ փորձ» է տվել և նրանց ավելի մոտեցրել ՆԱՏՕ-ի ուժերին, ինչն իր հերթին օգնում է հասնել ՆԱՏՕ-ում ինտեգրմանը։
