2025 թվականի հունվարի 1-ից ռուս սահմանապահները կդադարեցնեն աշխատանքը Հայաստանի և Իրանի սահմանի անցակետում։ Այս մասին համաձայնություն է ձեռք բերվել Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի հանդիպմանը, որը տեղի է ունեցել հոկտեմբերի 8-ին Կրեմլում։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Պատժամիջոցների ենթարկվելուց հետո Իվանիշվիլին օֆշորներից արդեն 12 ընկերություն է տեղափոխել Վրաստան․ TI
- 5 Ոստիկանները մտել են քաղաքացիական ակտիվիստների տներ, ձերբակալվել է Իսակո Դևիձեն
- 6 Լարին դոլարի նկատմամբ արժեզրկվել է 2 թեթրիով, եվրոյի նկատմամբ՝ 4 թեթրիով
Հայ-իրանական սահմանին ռուս սահմանապահները կանգնած են 1992 թվականին ստորագրված պայմանագրի հիման վրա։ Ինչպես տեղեկացրել է ՀՀ վարչապետի մամուլի խոսնակ Նազելի Բաղդասարյանը, հաջորդ տարվանից անցակետն ամբողջությամբ կվերահսկեն Հայաստանի Ազգային անվտանգության ծառայության սահմանապահ զորքերը։
Միաժամանակ Փաշինյանը շնորհակալություն է հայտնել Պուտինին՝ Հայաստանի Հանրապետության անկախացումից հետո ՌԴ Անվտանգության դաշնային ծառայության սահմանապահների կատարած աշխատանքի համար։
Ըստ Բաղդասարյանի՝ ՌԴ նախագահի հետ հանդիպմանը վարչապետ Փաշինյանը ներկայացրել է «Խաղաղության խաչմերուկ» նախագծի մանրամասները, ինչպես նաև մտահոգություն հայտնել մի շարք ռուս պաշտոնյաների կողմից տարածաշրջանին առնչվող թեմաների վերաբերյալ արտահայտությունների և բառապաշարի վերաբերյալ։
Հայաստանի «Խաղաղության խաչմերուկ» նախաձեռնությունը ենթադրում է տրանսպորտային միջանցքի ստեղծում Հայաստանի, Թուրքիայի, Ադրբեջանի և Իրանի տարածքով։ Նախագծի համաձայն՝ միջանցքը գործելու է յուրաքանչյուր երկրի ինքնիշխանության և իրավասության ներքո՝ առանց Ռուսաստանի մասնակցության։
