Սա դավաճանություն է, այս օրենքով դուք այս երկիրը տանում եք դեպի Ռուսաստան. Էթեր Թուրաձեն՝ Շալվա Պապուաշվիլիին

«Գործակալները սովորաբար չեն փոխում իրենց մասնագիտությունը, նրանք պարզապես գործակալներ են։ Դուք աշխատել եք միջազգային կազմակերպությունում։ Ես այսպիսի առաջարկ ունեմ, սկսենք գրանցել ոչ թե 2023 թվականից, այլ 2000 թվականից և բոլորին գրենք այս գրանցամատյանում։ Նախ գրի առեք ձեզ, Շալվա Պապուաշվիլի, ով, երբ ես ամբողջ խմբագրության աշխատավարձն էի բաժանում, 2010, 2011 թվականների, երբ դուք աշխատում էիք, հավանաբար այդ աշխատավարձը ստացել եք որպես մեկ հոգի։ Հետո գրեք պարոն վարչապետ Իրակլի Կոբախիձեին։ Հետո գրենք Բիձինա Իվանիշվիլիին, որի հիմնադրամն ամբողջությամբ լցված է արտասահմանյան փողերով։

Ամբողջ օրը խոսում եք՝ քննադատելով «Ազգային շարժմանն» ու Եվրոպական խորհրդարանի պատգամավորներին։ Երբ նախորդ իշխանություններն ինձ հետապնդում էին, ես կադրերում տեսա Սոզար Սուբարիին, կարող եք ճշտել նրանից, հնարավոր է մեր մասին շատ գիտելիքներ չունենաք։ Միխեիլ Սաակաշվիլին էլ էր նույնը ասում՝ ով է «Բաթումելեբին», որ ես ինչ-որ ռեպրեսիաներ իրականացնեմ։

Երբ ես քննադատում էի այդ կառավարությանը, օր ու գիշեր հետապնդում էին ինձ, չէին թողնում, որ հանգստանամ, դուք հեկտարներով անտառ ու արոտավայր եք ձևակերպել այդ կառավարության ժամանակ։ Հետաքրքիր է, երբ աշխատում էիք միջազգային կազմակերպությունում, երբ դրամաշնորհներ էիք տալիս տեղական կազմակերպություններին, պարտադրո՞ւմ էիք, խնդրո՞ւմ էիք, որ աշխատեն օտար երկրի շահերի համար, ձեզ ստիպե՞լ են նույնը անել, և ստացե՞լ եք սև փող։

Եթե «Ազգային շարժումը» ձեր իսկ խոսքերով ոչ մեկին օր ու արև չէր տալիս ու հիմա ասում եք, որ  պատերազմի կուսակցություն է, ինչպե՞ս եք ձևակերպել միլիոնների ունեցվածքը, խոսքը 10 հեկտար անտառի մասին է։

Մենք տեխնիկական սխալ ենք թույլ տվել։ Մենք այն լրատվամիջոցն ենք, որը ճանաչեց այս տեխնիկական սխալը, և դուք այն անբարեխղճորեն օգտագործեցիք՝ ասելով, որ հենց դրա համար է անհրաժեշտ թափանցիկության օրենքը: Ոչ, պարոն Շալվա։ Մենք աշխատում ենք միջազգայնորեն ճանաչված չափանիշներով, մենք տեխնիկական սխալ ենք թույլ տվել և ընդունել ենք դա, բայց դուք խախտել եք օրենքը։ Դուք խախտել եք հարկային օրենսգիրքը, 1 լարիով գնել եք 10 հեկտար անտառ ու վարելահող Կախեթիում՝ Ալազանիի ափին։ Պարոն Շալվա, ինչո՞ւ չձևակերպեցիք նվերը և ինչո՞ւ չվճարեցիք համապատասխան հարկերը, ինչո՞ւ եք այն գնել 1 լարիով։ Սա հանցագործություն է, պարոն Շալվա, ձեր արածը։ Ես չեմ մտածում, որ դուք հիմա կամաչեք, բայց ես կօգտվեմ իմ արտահայտվելու ազատությունից։

Միգուցե Ադեիշվիլին հանցագործ է, գուցե Ադեիշվիլին է ստեղծել համակարգը։

Ես եղել եմ այն ​​անձը, ով այցելել է քրեակատարողական հիմնարկներ պարոն Շալվա, և լուսաբանել եմ նրանց վիճակը։ Այն ժամանակ դու ոչ մի տեղ չէիք երևում: Ես մարդ էի, ում հետևում էին «ՍԱԴ»-ի հատուկ ծառայությունները և թույլ չէին տալիս ազատ ապրել, դուք այն ժամանակ շատ լավ էիք ապրում, ոչ մի տեղ չէիք երևում։ Հիմա ե՞ս եմ «Ազգային շարժման», ռուսական շահեր կրողը։ Սրա մասին եք խոսում չէ՞։

Հետաքրքիր է՝ 2000 թվականից ե՞ք սկսելու գրանցել «օտար երկրի շահերը կրողների» ցուցակը, այնտեղ կլինե՞ք դուք, Բիձինա Իվանիշվիլին և այլն։ Այդ թվում՝ Սոզար Սուբարին, ում ժամանակին շատ էի հարգում, ով միշտ մեր կողքին էր, երբ մեզ ճնշում էին։

Սա դավաճանություն է, այս օրենքով դուք այս երկիրը տանում եք դեպի Ռուսաստան։ Սա դավաճանություն է։ Դուք անձամբ այս փաստաթղթով քրեորեն պատժելի հանցանք եք գործել, և անպայման կգա ժամանակը, երբ դատախազությունը կքննի ձեր գործը, քանի որ դուք թաքցրել եք հարկերը, իմ հաշվարկներով՝ առնվազն 200 հազար լարի։

Որովհետև օրենքը շրջանցելով մի լարիով մի քանի միլիոնանոց գույք եք ձևակերպել։

- Սուտ է, մինչև ե՞րբ սպասեմ։ Դուք ներողություն խնդրեցի՞ք դրա համար։

- Տեխնիկապես ճշտեցինք, թե ինչ սխալ ենք թույլ տվել։ Փաստաթուղթ կա։

- Չի կարելի, տիկին, մեկ անգամ ներողություն եք խնդրել...

- Ահա, փաստաթուղթ կա։ Դուք այս ներողությունը օգտագործեցիք ինչպես սովոր եք:

- Պետք է ինչ-որ բան պայմանավորվել: Ուրեմն թույլ տվեք պատասխանել ձեզ:

Դուք և ես չենք կարող պայմանավորվել: Դուք այս երկիրը տանում եք դեպի Ռուսաստան։ Այս օրենքով ինչպե՞ս եք կարգավորելու Պրիմակովի հիմնադրամի բերած գումարները, ինչպես եք կարգավորելու Փարցխալաձեի ճամպրուկներով բերված գումարները։ Ինչպե՞ս է այստեղ արտացոլվում Պրիմակովի հիմնադրամը, արդյո՞ք օրինական ճանապարհով փող է գալիս Ռուսաստանից։ Դուք պայքարում եք օրինական ճանապարհով եկած փողերի դեմ, որովհետև ուզում եք վերացնել հասարակական կազմակերպությունները, անկախ լրատվամիջոցները։

- Դուք քաղաքական դիրքորոշում ունեք և քաղաքական հայտարարություններ եք անում։

- Դուք ինձ դուրս հանեցիք լրագրողական ստանդարտից, ձեր կառավարությանը դա հաջողվեց, նույնիսկ Ասլան Աբաշիձեն չկարողացավ դա անել։ Ես հարց տալուց այնկողմ երբեք չեմ անցել, դուք ուզում եք, որ ես դառնամ գործակալ, և դուք դա չեք տեսնի»: