Yeni xəbərlər

"Agentlər adətən peşələrini dəyişmirlər, sadəcə agentlərdir. Siz beynəlxalq təşkilatda çalışırdınız. Mənim belə bir təklifim var, gəlin 2023-cü ildən yox, 2000-ci ildən reyestr aparmağa başlayaq və hamını bu reyestrdə yazaq. Əvvəla, siz, Şalva Papuaşvilini yazın ki, mən bütün redaksiyanın məvacibini böləndə, 2010, 2011-ci illərdə, işlədiyiniz zaman yəqin ki, bir nəfər olaraq o maaşı almısınız. Sonra cənab Baş nazir İrakli Kobaxidzeni yazın. Ondan sonra fondu tamamilə xarici pullarla dolu olan Bidzina İvanişvilini yazaq.

Bütün günü danışırsınız, “Milli Hərəkat”ı və deputatları tənqid edirsiniz. Əvvəlki hakimiyyət məni qovalayanda kadrlarda Sozar Subarini gördüm, ondan soruşub yoxlaya bilərsiniz, bizim haqqımızda çox məlumatınız olmaya bilər. Mixeil Saakaşvili də eyni şeyi deyirdi ki, "Batumelebi"lər kimdir ki, mən hansısa repressiya aparım.

Mən o höküməti təqib edib tənqid edəndə gecə-gündüz məni qovaladılar, dincəltmirdilər, hektarlarla meşəyə, otlaqlara o hökumətlə imza atırdınız. Maraqlıdır, siz beynəlxalq təşkilatda işləyəndə, buradakı təşkilatlara qrant verəndə onları məcbur edib yad ölkənin maraqları üçün işləməyi tələb edirdiniz? Sizi də belə etməyə məcbur edirdilər? Qara pul alırdınız?

Əgər sizin dediyiniz kimi “Milli Hərəkat” heç kimə gün verib işıq vermirdisə və indi müharibə partiyasıdır deyirsinizsə, milyon dəyərlik mülkü necə formalaşdırmısınız, söhbət 10 hektar meşədən gedir.

Biz texniki səhvə yol vermişdik. Biz bu texniki səhvi etiraf etdik və siz bundan pis niyyətlə istifadə edərək şəffaflıq qanununun məhz buna görə lazım olduğunu söyləyirsiniz. Xeyr, cənab Şalva. Biz beynəlxalq səviyyədə tanınmış standartlara uyğun işləyirik, texniki səhvə yol verdik və bunu etiraf etdik, amma siz qanunu pozdunuz. Vergi məcəlləsini pozmusunuz, 1 lariyə Kaxetidə Alazani yanı ərazidə 10 hektar meşə və əkin sahəsi almısınız. Şalva bəy, niyə hədiyyəni rəsmiləşdirmədiniz və niyə müvafiq vergiləri ödəmədiniz, niyə bir lariyə aldınız? Bu cinayətdir, cənab Şalva, sizin etdikləriniz. İndi xəcalət çəkə biləcəyiniz barədə təsəvvürüm də yoxdur, amma ifadə azadlığımdan istifadə edəcəyəm.

Bəlkə Adeişvili cinayətkardır, bəlkə də sistemi Adeişvili yaradıb.

Mən Cəzaçəkmə Müəssisəsində məhkumlara baş çəkib onların vəziyyətini işıqlandıran adam idim, cənab Şalva. O zaman siz heç yerdə deyildiniz. Mən “kudi” xüsusi xidmət orqanlarının arxasınca düşülən, sərbəst yaşamağa imkan verilməyən adam idim. Onda çox yaxşı yaşayırdınız, heç yerdə yox idiniz. İndi mən “Milli Hərəkat”ın, Rusiyanın maraqlarının daşıyıcısı idik? Bu haqda danışırsınız?

Maraqlıdır, siz 2000-ci ildən “xarici ölkənin maraqlarının daşıyıcıları” siyahısını qeydiyyata almağa başlayacaqsınızmı, siz özünüzü, Bidzina İvanişvilini və s., o cümlədən vaxtilə çox hörmət etdiyim, tacizə məruz qalanda hər zaman yanımızda olan Sozar Subari də bu siyahıya daxil ediləcəkmi? 

Bu xəyanətdir, bu qanunla bu ölkəni siz Rusiyaya aparırsınız. Bu xəyanətdir. Siz şəxsən bu sənədlə cinayət törətmisiniz və vaxt gələcək, mənim hesablamalarıma görə ən azı 200 min lari vergi gizlətdiyinizə görə prokurorluq sizin işinizi mütləq araşdıracaq.

Çünki qanundan yan keçərək bir lariyə bir neçə milyonluq mülkə imza atmısınız.

-Yalandır bu, nə vaxta qədər gözləməliyəm ? Bunun üçün üzr istəmisiniz?

Səhv etdiyimizi texniki olaraq aydınlaşdırdıq. Budur, sənəd.

-Olmaz xanım, bir dəfə ki, üzr istədiniz...

Sənəd var. Təəssüf ki, bunu adət etdiyiniz kimi istifadə etdiniz.

-Nədəsə razılaşmalıyıq. O zaman sizə cavabı mən verim.

Siz və mən razılaşa bilmərik. Siz bu ölkəni Rusiyaya aparırsınız. Bu qanunla Primakovun fondunun gətirdiyi pulları necə tənzimləyirsiniz, Partsxaladzenin çemodanlarının gətirdiyi pulları necə tənzimləyəcəksiniz. Primakovun fondu burada necə əks olunacaq, Rusiyadan pul qanuni gəlirmi? Qeyri-hökumət təşkilatlarını, müstəqil medianı ləğv etmək istədiyiniz üçün qanuni yolla daxil olan pullarla mübarizə aparırsınız.

-Sizin siyasi mövqeniz var və siyasi bəyanatlar verirsiniz.

-Məni jurnalist standartından çıxartdınız, hökumətiniz bacardı, Aslan Abaşidze də bacarmamışdı bunu. Mən heç vaxt sual vermək qədər uzağa getməmişəm, agent olmağımı istəyirsiniz və bunu görməyəcəksiniz".