Վրաստանի խորհրդարանի նախագահ Շալվա Պապուաշվիլին հաստատել է, որ ԱՄՆ-ում գտնվող Վրաստանի վարչապետ Իրակլի Կոբախիձեին ուղարկված նախագահ Ջո Բայդենի ընդունելության հրավերը չեղարկվել է։ Պապուաշվիլին այս որոշումը «անլուրջ» է որակել։
Լրահոս
Ընթերցողի ընտրանի
- 1 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 2 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 3 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 4 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 5 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 6 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
«Ինչպես ճշտեցի, իսկապես այդպես է եղել։ Դա լուրջ չէ։ Ինչի՞ մասին խոսենք ընդհանրապես։ Իր իսկ կողմից ուղարկված հրավերը ետ է կանչվել հաջորդ օրը։ Նման պահվածքը անլուրջ է։ Առաջին հերթին սա վիրավորանք է Ամերիկայի և Ամերիկայի ժողովրդի նկատմամբ, ինչը մենք տեսել ենք վարչակազմի այս պահվածքով։
Ես ոչ մի կերպ չեմ կարող գնահատել այս պահվածքը։ Այսքան տարի ամերիկյան վարչակազմը մեզ անվանում է ռազմավարական գործընկեր, և նրանք պետք է գոնե հյուրընկալություն սովորեին վրաց ժողովրդից։ Գոնե մեր ժողովրդից դա կարող էին տանել։ Թվում է, թե մենք չկարողացանք դա ինչպես հարկն է կիսել նրանց հետ»,- լրագրողներին ասել է Պապուաշվիլին։
Միևնույն ժամանակ, խորհրդարանի նախագահը մեղադրել է ԱՄՆ-ին Վրաստանի ներքին քաղաքականությանը միջամտելու մեջ և ասել, որ նրանք չեն խուսափում «չափանիշից ցածր բոլոր տեսակի գործողություններից», որպեսզի «ինչ-որ կերպ ընդդիմությանը մղեն առաջ, նրանց խոսելու թեմա տա»։
Վրաստանի վարչապետն այսօր, սեպտեմբերի 25-ին, պետք է մասնակցեր ԱՄՆ նախագահ Ջո Բայդենի և նրա կնոջ՝ Ջիլ Բայդենի անունից Նյու Յորքում կայանալիք պաշտոնական ընդունելությանը՝ ի պատիվ Գլխավոր ասամբլեայի 79-րդ նստաշրջանին մասնակցող պատվիրակությունների ղեկավարների։ Սակայն, Բայդենի վարչակազմը չեղարկել է Իրակլի Կոբախիձեի հրավերը։ Ըստ «Ամերիկայի Ձայնի»՝ վարչապետի հրավերը չեղարկելու հետ մեկտեղ ԱՄՆ վարչակազմը հրաժարվել է նաև բոլոր հանդիպումներից Վրաստանի պատվիրակության և վարչապետ Կոբախիձեի, ինչպես նաև Սպիտակ տան ազգային անվտանգության հարցերով խորհրդական Ջեյք Սալիվանի հետ։