Օկուպացված Աբխազիայի դե ֆակտո արտգործնախարար Սերգեյ Շամբան կարծում է, որ Վրաստանը շարունակում է մնալ «հանրապետության» գլխավոր սպառնալիքը։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
«Չնայած նրան, որ Աբխազիան և Հարավային Օսիան ռազմական ճանապարհով միավորելու նրանց հույսերը ձախողվել են, Վրաստանը շարունակում է մնալ մեր երկրի գլխավոր սպառնալիքը։ Հաշվի առնելով մեր երկրին սպառնացող վտանգները՝ հիմնական խնդիրը, ինչպես նախկինում, մնում է անվտանգության խնդիրները լուծելը»,- այս մասին, ըստ ռուսական լրատվամիջոցների, ասել է Սերգեյ Շամբան կլոր սեղանի («Աբխազիան անվտանգ և կայուն զարգացման հեռանկարի փնտրտուքներում») ժամանակ։
Դե ֆակտո արտաքին գործերի նախարարի խոսքով՝ 2020 թվականից ի վեր Աբխազիայի Հանրապետության ռազմական բյուջեն կրկնապատկվել է, և «երկրի ղեկավարությունը մեծ ուշադրություն է դարձնում զինված ուժերի զարգացմանը»։
«2020-2024 թվականներին տեղի է ունեցել կազմակերպչական կազմի բարելավում, զինված ուժերի մարտական կազմի հետևողական աճ, որն ուղղված է մարտական գործողություններ վարելու նոր մեթոդների ներդրմանը, բանակը զինված հակամարտության ժամանակակից պայմաններին հարմարեցնելուն և զինված ուժերի մարտական ներուժի ավելացմանը»,- նշել է նա։
Սերգեյ Շամբան ասել է նաև, որ վերջին շրջանում զգալիորեն աճել է ռազմական հրամանատարական մարմինների պատրաստության ինտենսիվությունը, որն ուղղված է զորքերի հնարավորությունների մեծացմանը և իրականացվում է ՌԴ ԶՈւ հետ համատեղ։
«Ռուսաստանի Դաշնության պաշտպանության նախարարությունը միջոցներ է ձեռնարկել՝ ապահովելու Աբխազիայի Հանրապետության օդային տարածքի պաշտպանությունը անօդաչու թռչող սարքերի հարձակումներից։ Այս և շատ այլ միջոցներ, որոնք ամրապնդվում են Ռուսաստանի Դաշնության հետ մեր ռազմական և ռազմավարական կապով, մեզ վստահություն են տալիս Վրաստանի կողմից հնարավոր ագրեսիան հետ մղելու մեր ունակության հարցում»,- ասել է Սերգեյ Շամբան։