ოკუპირებული აფხაზეთის დე ფაქტო საგარეო საქმეთა მინისტრი სერგეი შამბა მიიჩნევს, რომ საქართველო „რესპუბლიკისთვის“ კვლავ მთავარი საფრთხეა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
„მიუხედავად იმისა, რომ მათმა იმედებმა, სამხედრო გზით შეერთებინათ აფხაზეთი და სამხრეთ ოსეთი, კრახი განიცადა, საქართველო კვლავ მთავარი საფრთხეა ჩვენი ქვეყნისთვის. ჩვენი ქვეყნის წინაშე მდგარი საფრთხეების გათვალისწინებით, უმთავრეს ამოცანად, როგორც ადრე იყო, რჩება უსაფრთხოების საკითხების გადაჭრა“, - რუსული მედიის ინფორმაციით, სერგეი შამბამ ამის შესახებ მრგვალი მაგიდის (სახელწოდებით „აფხაზეთი უსაფრთხო და სტაბილური განვითარების პერსპექტივის ძიებაში“) დროს განაცხადა.
დე ფაქტო საგარეო საქმეთა მინისტრის თქმით, 2020 წლიდან აფხაზეთის რესპუბლიკის სამხედრო ბიუჯეტი გაორმაგდა და „ქვეყნის ხელმძღვანელობა დიდ ყურადღებას უთმობს შეიარაღებული ძალების განვითარებას“.
„2020-დან 2024 წლამდე მიმდინარეობდა ორგანიზაციული საშტატო სტრუქტურის გაუმჯობესება, შეიარაღებული ძალების საბრძოლო შემადგენლობის თანმიმდევრული ზრდა, რაც მიმართულია საბრძოლო მოქმედებების ჩატარების ახალი მეთოდების დანერგვისკენ, შეიარაღებული დაპირისპირების თანამედროვე პირობებთან ჯარის ადაპტირებისა და შეიარაღებული ძალების საბრძოლო პოტენციალის გაზრდისკენ“, - აღნიშნა მან.
სერგეი შამბამ ასევე განაცხადა, რომ ბოლო დროს საგრძნობლად გაიზარდა სამხედრო სამეთაურო ორგანოების მომზადების ინტენსივობა, რაც მიზნად ისახავს ჯარების შესაძლებლობების გაზრდას და რუსეთის შეიარაღებულ ძალებთან ერთად ხორციელდება.
„რუსეთის ფედერაციის თავდაცვის სამინისტროს მიერ მიღებულია ზომები, რომელიც უზრუნველყოფს აფხაზეთის რესპუბლიკის საჰაერო სივრცის დაცვას უპილოტო საფრენი აპარატების დარტყმებისგან. ეს და სხვა მრავალი ღონისძიება, რომელიც გამყარებულია რუსეთის ფედერაციასთან ჩვენი სამხედრო-სტრატეგიული კავშირით, გვაძლევს რწმენას ჩვენს შესაძლებლობაში, მოვიგერიოთ საქართველოს მხირდან შესაძლო აგრესია“, - თქვა სერგეი შამბამ.
