Լաբորատոր հետազոտության արդյունքում «Սոփլիս Նոբաթիի» արտադրանքում, այդ թվում՝ մանկական կաթի նմուշներում, հայտնաբերվել է մարդու առողջության համար վտանգավոր տոքսին՝ աֆլատոքսին M1: Սննդամթերքի ազգային գործակալությունը կոչ է անում սպառողներին չօգտագործել այդ կաթը:
Լրահոս
Ընթերցողի ընտրանի
- 1 Այսպես կոչված բաճկոնների գործով Միխեիլ Սաակաշվիլին դատապարտվել է 9 տարվա ազատազրկման
- 2 Մեծ Բրիտանիայում Ուկրաինայի դեսպան Վալերի Զալուժնին ասել է, որ ԱՄՆ-ը «քանդում է» աշխարհակարգը
- 3 Հանրակրթական դպրոցներում առաջին դասարանցիների գրանցումը կսկսվի մարտի 10-ից
- 4 «Բիթքոյնի գործով» Բաչիաշվիլիի նկատմամբ կիրառված գրավը դատարանը փոխարինել է կալանքով
- 5 Թբիլիսիի կենտրոնում հնչած կրակոցների հետևանքով սպանվել է, այսպես կոչված, օրենքով գողի եղբայրը
- 6 Սահմանի հատման գործով Սաակաշվիլիի պատիժները համախմբվել են և նա դատապարտվել է 12 տարի 6 ամիս ազատազրկման
Գործակալությունը պարզաբանում է, որ աֆլատոքսինն առաջանում է բորբոսասնկերից: Աֆլատոքսին B1-ով աղտոտված կերը մտնում է կենդանու օրգանիզմ, որտեղից անցնում է կաթի մեջ և վերածվում M1 աֆլատոքսինի, ինչը վտանգավոր է մարդու առողջության համար:
Ըստ Սննդի ազգային գործակալության կողմից այսօր՝ ապրիլի 3-ին տարածված հայտարարության, մարտի 28-ին իրականացվել է «Վիմ-բիլ-դան Վրաստան» ՍՊԸ-ի (Կ/Հ 204546553 («Սոփլիս Նոբաթի»)) պետական վերահսկողություն։
«Ստուգման արդյունքում ձեռնարկությունում կրիտիկական անհամապատասխանություններ չեն հայտնաբերվել, սակայն արձանագրվել է սննդամթերքի մասին տեղեկատվության տրամադրման կանոնների խախտում, որի համար տնտեսվարող սուբյեկտը տուգանվել է սննդամթերքի/անասնակերի անվտանգության, անասնաբուժության և բույսերի պաշտպանության օրենսգրքի համաձայն։
Բացի այդ, «Վիմ-բիլ-դան Վրաստան» ՍՊԸ-ին հանձնարարվել է վերցնել Ադրբեջանում արտադրված կաթի 5 նմուշ (որոնցից մեկը նախատեսված է մանկական սննդի համար) և հետազոտել աֆլատոքսին M1-ի առկայությունը։ Նաև շուկայից հետ կանչել սխալ պիտակավորված սննդամթերքը։
Գործակալության վերահսկողությամբ վերցված նմուշներն ուղարկվել են հավատարմագրված լաբորատորիա։ Լաբորատոր հետազոտության արդյունքում հինգ նմուշներում հայտնաբերվել է աֆլատոքսին M1-ի գերազանցված քանակություն։ Մասնավորապես՝
- Մանկական խմելու կաթ, ուլտրապաստերիզացված - 2.5% յուղայնությամբ - արտադրման ամսաթիվ՝ 04.02.2025, պիտանելիության ժամկետ՝ 03.08.2025,
- Խմելու կաթ Ընտրյալ, ուլտրապաստերիզացված - 1.5% յուղայնությամբ - արտադրման ամսաթիվ՝ 12.02.2025, պիտանելիության ժամկետ՝ 11.08.2025,
- Խմելու կաթ Ընտրյալ, ուլտրապաստերիզացված - 1.5% յուղայնությամբ - արտադրման ամսաթիվ՝ 10.02.2025, պիտանելիության ժամկետ՝ 09.08.2025,
- Խմելու կաթ Ընտրյալ, ուլտրապաստերիզացված - 2.5% յուղայնությամբ - արտադրման ամսաթիվ՝ 09.02.2025, պիտանելիության ժամկետ՝ 08.08.2025,
- Խմելու կաթ Ընտրյալ, ուլտրապաստերիզացված - 3․2% յուղայնությամբ - արտադրման ամսաթիվ՝ 02.02.2025, պիտանելիության ժամկետ՝ 01.08.2025։
«Վիմ-բիլ-դան Վրաստան» ՍՊԸ-ին հանձնարարվել է նշված սննդամթերքի խմբաքանակների հետ կանչում/հեռացում վաճառքի ցանցից։ Սննդամթերքի ազգային գործակալությունը սպառողներին հորդորում է չօգտագործել նշված կաթը», - ասված է գործակալության հայտարարության մեջ:
Սննդամթերքի ազգային գործակալության կողմից «Վիմ-բիլ-դան Վրաստան» ՍՊԸ-ում («Սոփլիս Նոբաթի») իրականացված ստուգման արդյունքների հրապարակմանը նախորդել է «Ազատություն» ռադիոկայանի լրագրողական հետաքննությունը, որից պարզ է դարձել, որ կաթ արտադրող «Կվարլիս Բագա» ընկերությունը, որը պատկանում է «Վրացական երազանք» կուսակցության աջակիցներից գործարար Լաշա Պապաշվիլիին, 2018-2020 թվականներին կովերին հավի ծերտով է կերակրել։ Հենց «Կվարլիս Բագայից» են կաթ գնում «Սոփլիս Նոբաթին», «Սանտեն» և «Ագրոհաբը»։
