Շովիում՝ աղետի գոտում, հայտնաբերվել է ևս չորս մարդու դի։ Այս մասին տեղեկությունը հաստատում են ՆԳՆ-ից։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Պատժամիջոցների ենթարկվելուց հետո Իվանիշվիլին օֆշորներից արդեն 12 ընկերություն է տեղափոխել Վրաստան․ TI
- 5 Ոստիկանները մտել են քաղաքացիական ակտիվիստների տներ, ձերբակալվել է Իսակո Դևիձեն
- 6 Բաթումիում գտնվող «Երազանքի քաղաքում» 2 երեխա է ընկել ջրով լի փոսը և մահացել
Տարերային աղետի հետևանքով զոհվածների թիվը հասել է վեցի։ Փրկարարները երեկ երկու դի են հայտնաբերել։
Այս պահին ավելի քան 30 մարդ համարվում է անհետ կորած։ Կառավարության ներկայացուցիչների խոսքով՝ երեկ և այսօր ուղղաթիռներով ավելի քան 200 մարդ է տարհանվել աղետի գոտուց։ Որոնողափրկարարական աշխատանքները շարունակվում են։
Շովիում օգոստոսի 3-ին՝ ժամը 15:15-ի սահմաններում, տեղի է ունեցել սողանք՝ հովտում առաջացրել ջրհեղեղ։ Ակտիվ բնական պրոցեսները տևել են ավելի քան մեկ ժամ։ Հանգստավայրի տարածքում հյուրանոցներն ու քոթեջները կառուցված են գետահովտում, որը ծածկվել է սելավով։ Ավերվել են փոքր քոթեջներ, վնասվել են նաև հյուրանոցներ։ Ջրհեղեղը տարել է ավտոմեքենաներ։ Աղետի գոտում փրկարարական աշխատանքները սկսվել են գրեթե 3 ժամ ուշացումով։ Սելավը քանդել է դեպի Շովի տանող միակ ճանապարհի կամուրջները։
Փրկարարներին հաջողվել է աղետի գոտի մտնել միայն սահմանապահ ոստիկանության ուղղաթիռներով։ Ուղղաթիռների ժամանման ժամի վերաբերյալ Տարածաշրջանային զարգացման և ենթակառուցվածքների նախարար Իրակլի Քարսելաձեն ասել է, որ «ամեն ինչ, ներառյալ ուղղաթիռը, ունի համապատասխան մոբիլիզացիոն շրջան, և ծանուցումը ստանալուց հետո ամենակարճ ժամկետում՝ հաշվի առնելով այս մոբիլիզացիոն շրջանը, առաջին ուղղաթիռը հասդել է դեպքի վայր»։
