«Վրացական երազանքը» ոչ լեգիտիմ խորհրդարանի աշնանային նստաշրջանի վերջին լիագումար նիստում խորհրդարանական ընդդիմության քվոտայով խորհրդարանի փոխնախագահ է ընտրել։ Սոզար Սուբարիի թեկնածությանը կողմ է քվեարկել «Վրացական երազանքի» 86 անդամ։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
«Բանաձևն ընդունված է։ Շնորհավորում եմ պարոն Սոզարին, մաղթում եմ նրան հաջող աշխատանք փոխխոսնակի պաշտոնում»,- ասել է ոչ լեգիտիմ խորհրդարանի նախագահ Շալվա Պապուաշվիլին։
Սոզար Սուբարիի թեկնածությունը նշված պաշտոնում առաջադրել է «Ժողովրդի ուժը»։ Այսօր քաղաքական խմբի առաջնորդներից Գուրամ Մաճարաշվիլին ասել է, որ «Ժողովրդի ուժի» անդամները որոշել են դուրս գալ խորհրդարանական մեծամասնությունից և ստեղծել «առողջ ընդդիմություն»։
Ոչ լեգիտիմ խորհրդարանի նախագահի առաջին տեղակալը Գիորգի Վոլսկին է, իսկ տեղակալներ են նշանակվել Գիորգի Կախիանին, Նինո Ծիլոսանին, Թեա Ծուլուկիանին և Սոզար Սուբարին։
«Վրացական երազանքը» նոյեմբերի 25-ին ճանաչեց 11-րդ գումարման խորհրդարանի լիազորությունները, չնայած այն հանգամանքին, որ խորհրդարանական ընտրությունների օրինականությունը վիճարկվել էր Սահմանադրական դատարանում։ Այսպիսով, խախտվել են Վրաստանի Սահմանադրությունը և խորհրդարանի կանոնակարգով սահմանված կանոնները։
Հոկտեմբերի 26-ի ընտրություններում անցողիկ շեմը հաղթահարած չորս քաղաքական միավորումներից/կուսակցություններից ոչ մեկը չի ճանաչում խորհրդարանի լեգիտիմությունը։
