Ըստ աշխատաշուկայի ուսումնասիրությունների՝ հիմնական խոչընդոտը աշխատանք փնտրողների ցածր որակավորումն է

Ըստ տարածաշրջանների, զբաղվածության խոչընդոտների ընկալման առումով իրականությունը էապես չի տարբերվում:

Անձնական շփումները և դրանց միջոցով տրված առաջարկությունները կադրեր գտնելու ամենատարածված ուղիներն են:

Հետազոտությանը մասնակցած կազմակերպությունների 72,5%-ում (644 ակտիվ ձեռնարկություն) նոր կադրեր հավաքագրելու ամենատարածված պրակտիկան ծանոթների/ընկերների շրջանում թեկնածուներ գտնելն է։

Ամենաքիչը կադրեր գտնելու համար օգտվում են պրոֆեսիոնալ հավաքագրողի ծառայություններից՝ 0.6%, ընդհանուր առմամբ 4 կազմակերպություն: Կազմակերպությունների 52%-ն օգտվում է զբաղվածության էլեկտրոնային հարթակից և թափուր աշխատատեղը հրապարակայնորեն հայտարարելու պրակտիկայից, 30,4%-ի դեպքում արդեն իսկ զբաղված կադրերն իրենք են բերում նոր կադրեր։

Աշխատանքի ընդունվելիս առաջնահերթություն է նմանատիպ աշխատանքի փորձը և նախորդ գործատուի ռեկոմենդացիան:

Հետազոտության փուլում, որն ընդգրկել է 2022 թվականի մարտից մայիս ընկած ժամանակահատվածը, ընդհանուր առմամբ, 1304 թափուր աշխատատեղ է գրանցվել Շիդա Քարթլիում, Քվեմո Քարթլիում, Գուրիայում և Աջարիայում, ամենաշատը Գուրիայում՝ 818, իսկ ամենաքիչը՝ Քվեմո Քարթլիում՝ 73։

Ամենաշատ դեֆիցիտային կադրերն են՝ սարքերով աշխատող տեխնիկ, խոհարար/շեֆ խոհարար, հրուշակագործ, ռեստորանի/սրճարանի մենեջեր, բարմեն/բարիստա, կոնստրուկտոր, անասնաբույժ, սննդի տեխնոլոգ, փականագործ, եռակցող, էլեկտրատեխնիկ, դիզայներ, արտահանման մենեջեր, ՏՏ մասնագետ, վաճառքի մենեջեր, հայտարարատու, պահեստի աշխատող, սալահատակի մասնագետ, քարի վարպետ, հովիվ, դերձակ և նկարիչ:

Կադրերի դեֆիցիտի հիմնական պատճառներն են համապատասխան ունակություններ ունեցող անձի, աշխատանքային փորձի և որակավորուման պակասը: Ինչպես նաև, ավելի բարձր աշխատավարձի ակնկալիքը, քան առաջարկվում է գործատուի կողմից:

Կարճաժամկետ ծրագրերը, որոնք նպաստում են ինքնազբաղվածությանը (մերսող, դերձակ, վարսահարդար, էլեկտրիկ, ատաղձագործ) հատկապես տարածված են տեղական աշխատաշուկայում:

Հետազոտությունը պարզել է, որ հարցվածների մեծ մասը չի համագործակցում մասնագիտական ​​ուսումնարանների հետ։ Արհեստագործական ուսումնարանների հետ համագործակցության ամենաշատ դեպքերը գրանցվել են Աջարիայում, իսկ ամենացածրը՝ Քվեմո Քարթլիում։ Ամենամեծ աշխատուժի պահանջարկը գյուղատնտեսության, անտառային տնտեսության և ձկնորսության ոլորտում է, իսկ ամենաքիչը՝ ղեկավար պաշտոններում։ Տնտեսվարող սուբյեկտների կողմից հայտարարված թափուր աշխատատեղերի հիմնական պահանջարկը վերաբերում է միջնակարգ և ցածր կամ մասնագիտական ​​կրթություն ունեցող կադրերին: