Շվեդիայի արտաքին գործերի նախարար Մարիա Մալմեր Ստենեգարդը խորհրդարանում տեղի ունեցած բանավեճի ժամանակ խոսել է ԵՄ ընդլայնման կարևորության մասին և այդ համատեքստում քննադատական հայտարարություն է արել Վրաստանի նկատմամբ։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Բաթումիում խմբով հարձակվել են Գիորգի Գախարիայի վրա
- 5 ԱՄՆ-ն և Հայաստանը կստորագրեն ռազմավարական գործընկերության փաստաթուղթ
- 6 Վրաստանն Ամերիկայի համար կարող է մեծ հաջողություն լինել, կամ մեծ խնդիր՝ Կովկասում. Զուրաբիշվիլի
Նախարարի խոսքով՝ ԵՄ-ի շարունակական ընդլայնումը և հարևան գործընկերների հետ համագործակցությունը էական նշանակություն ունեն Շվեդիայի անվտանգության և տնտեսության համար։
«Եվրամիության ընդլայնումը աշխարհառազմավարական ներդրում է խաղաղության, ժողովրդավարության, անվտանգության, կայունության և բարգավաճման համար: Մեր շահերից է բխում օգնել թեկնածու երկրներին մոտենալ Միությանը»,- ասել է նա։
Ըստ Ստենեգարդի՝ Ուկրաինան և Մոլդովան տպավորիչ առաջընթաց են գրանցել բարեփոխումներում, և Շվեդիայի կառավարությունն աջակցում է լրացուցիչ քայլեր ձեռնարկել Եվրամիությանը նրանց անդամակցության ուղղությամբ։
Բացի այդ, արտգործնախարարը նշել է, որ Շվեդիայի աջակցությունը թեկնածու երկրներին ուժեղ է, թեև ոչ անվերապահ։
«Նրանց [թեկնածու երկրների] բարեփոխումների տեմպերը վճռորոշ են:
Վրաստանի կառավարության գործողությունները հակասում են այն արժեքներին և սկզբունքներին, որոնց վրա հիմնված է Եվրոպական միությունը։
Հոկտեմբերի խորհրդարանական ընտրությունները բնութագրվում էին անհավասար դաշտով, արմատացած բևեռացվածությամբ, ընտրողների նկատմամբ ճնշումներով ու սպառնալիքներով։
Խաղաղ ցուցարարների նկատմամբ բռնությունն անընդունելի է, և Շվեդիան ցանկանում է պատժամիջոցներ տեսնել մեղավորների նկատմամբ:
Միևնույն ժամանակ մենք պետք է շարունակենք աջակցել Վրաստանում ժողովրդավարական և եվրոպամետ շարժումներին»,- ասել է Ստենեգարդը։
Շվեդիան ԵՄ միակ երկիրը չէ, որի խորհրդարանն այս շաբաթ հայտարարություն է արել Վրաստանի վերաբերյալ։ Փետրվարի 11-ին Էստոնիայի արտաքին գործերի նախարար Մարգուս Ցահկնան Ռիյգիկոգուում ունեցած ելույթում ասել է, որ «Վրացական երազանքը» երկիրը ավելի է հեռացնում ինչպես ժողովրդավարությունից, այնպես էլ արևմտյան արտաքին քաղաքականությունից:
«Պարզ է, որ Վրաստանը չի կարողանա միանալ Եվրամիությանն իր ներկայիս ընթացքով, և որ Վրաստանում դե ֆակտո իշխանությունում գտնվող մարդիկ չունեն ժողովրդավարական լեգիտիմություն: Մենք ասացինք, որ նոր ընտրությունների անցկացումը այս ճգնաժամից դուրս գալու վստահության վերականգնման ուղին է։ Եթե իշխանությունները շարունակեն բռնություն կիրառել, մենք պատրաստ ենք շարունակել պատժամիջոցների խստացումը, ներառյալ առանց վիզայի ռեժիմի չեղարկումը», - ասել է Էստոնիայի արտգործնախարարը։
«Վրացական երազանքի» վարչապետ Իրակլի Կոբախիձեն նշված հայտարարությունը «անլուրջ» է անվանել։ Նա ասել է, որ Էստոնիան չունի ինքնիշխան կառավարություն և գործում է պատվերով։
