Էստոնիայի արտաքին գործերի նախարար Մարգուս Ցահկնան Էստոնիայի խորհրդարանում (Ռիիգիկոգու) իր ելույթում հայտարարել է, որ Վրաստանը չի կարողանա անդամակցել Եվրոպական միությանն իր ներկայիս ընթացքով, և որ դե ֆակտո իշխանության մեջ գտնվող մարդիկ չունեն ժողովրդավարական լեգիտիմություն:
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Բաթումիում խմբով հարձակվել են Գիորգի Գախարիայի վրա
- 5 ԱՄՆ-ն և Հայաստանը կստորագրեն ռազմավարական գործընկերության փաստաթուղթ
- 6 Վրաստանն Ամերիկայի համար կարող է մեծ հաջողություն լինել, կամ մեծ խնդիր՝ Կովկասում. Զուրաբիշվիլի
«Ընդլայնումը Եվրամիության տրամադրության տակ գտնվող ամենահզոր գործիքներից մեկն է, որը օգուտ կբերի ինչպես անդամ երկրներին, այնպես էլ ամբողջ Եվրոպային։ Հետևաբար՝
Էստոնիայի դիրքորոշումը հաստատուն է՝ ընդլայնումը պետք է շարունակվի, և այն պետք է լինի պայմանական և հիմնված լինի թեկնածու երկրներում իրական առաջընթացի վրա։
Էստոնիայի համար որոշիչ գործոններն են թեկնածու երկրի ճիշտ ընթացքը ժողովրդավարության և օրենքի գերակայության հարցերում, ինչպես նաև ընդհանուր դիրքորոշումները արտաքին և անվտանգության քաղաքականության մեջ», - ասել է Ցահկնան:
Նա ասել է, որ Ուկրաինայի և Մոլդովայի առաջընթացը անդամակցության պահանջների կատարման հարցում տպավորիչ է, այդ իսկ պատճառով Էստոնիան ցանկանում է, որ բանակցությունների առաջին փուլը՝ օրենքի գերակայության և ժողովրդավարության թեմաներով, բացվի այս տարվա մարտին։
«Ցանկանում եմ նաև ողջունել Հայաստանին, քանի որ Էստոնիան բարձր է գնահատում այնտեղ իրականացվող բարեփոխումները, ինչպես նաև Եվրամիության հետ մերձեցման ուղղությամբ պետության ձեռնարկած քայլերը։ Մենք աջակցում ենք Հարավային Կովկասում կայունություն ապահովելու բոլոր ջանքերին և կարծում ենք, որ հատկապես կարևոր է Հայաստանի և Ադրբեջանի միջև որքան հնարավոր է շուտ կնքել խաղաղության պայմանագիր։
Ցավոք, ԵՄ ընդլայնումը կարող է նաև հակառակ ուղղությամբ գնալ, ինչի մասին են վկայում Վրաստանում տեղի ունեցող զարգացումները, որտեղ իշխող կուսակցությունը երկիրը ավելի է հեռացնում ինչպես ժողովրդավարությունից, այնպես էլ արևմտյան արտաքին քաղաքականությունից:
Պարզ է, որ Վրաստանը չի կարողանա անդամակցել Եվրոպական միությանն իր ներկայիս ընթացքով, և որ Վրաստանում դե ֆակտո իշխանությունում գտնվող մարդիկ չունեն ժողովրդավարական լեգիտիմություն:
Մենք ասացինք, որ նոր ընտրությունների անցկացումը այս ճգնաժամից դուրս գալու և վստահության վերականգնման ուղին է։ Եթե իշխանությունները շարունակեն բռնություն կիրառել, մենք պատրաստ ենք շարունակել պատժամիջոցների խստացումը, ներառյալ առանց վիզայի ռեժիմի չեղարկումը», - ասել է Էստոնիայի արտգործնախարարը։
Նոյեմբերի 28-ին՝ խորհրդարանական ընտրություններից մեկ ամիս անց, ոչ լեգիտիմ վարչապետ Իրակլի Կոբախիձեն հայտարարեց, որ «Վրացական երազանք» կուսակցությունը մինչև 2028 թվականը ավարտը օրակարգ չի մտցնի Վրաստանի ԵՄ անդամակցության շուրջ բանակցություններ սկսելու հարցը։ Այս հայտարարությանը հաջորդած բողոքի ակցիաները շարունակվում են արդեն մոտ երեք ամիս։
