Թանկարժեք մեքենայի մասին լրագրողի հարցին Կալաձեն վիրավորանքներով է պատասխանել

«Մի անհանգստացեք, մի նյարդայնացեք, դուք առանց այդ էլ անհանգստանալու շատ բան ունեք ու նման վիճակում եք։ Նորից եմ կրկնում՝ չեմ ասի, թե որտեղ եք։ Դե, Նիկա Գվարամիան ձեզ լավագույնս կասի, թե որտեղ եք և ինչպես եք»,- ասել է Կալաձեն լրագրողին։

Արձագանքին, որ ավտոմեքենաների ցուցասրահների տեղեկությամբ մեքենայի արժեքը կազմում է առնվազն 500 հազար եվրո, Կալաձեն լրագրող Լիկա Ջանքարաշվիլիին «հիմար» է անվանել։

«Ինչի՞ արժեքն է 500 հազար։ Դա հիմարների համար, ձեր նման հիմարների համար նման մեքենան կարող է արժենալ 500 հազար։ Ես չեմ պատրաստվում վիրավորել, ես խոսում եմ իրականության մասին։

Ինչ վերաբերում է իմ սեփականություն հանդիսացող մեքենաներին, ապա դրանք բոլորն էլ նշված են իմ հայտարարագրում։ Ուրեմն իմը չէ [այս մեքենան]: Ո՞վ է ձեզ հարցնում, ո՞ւմ մեքենայով է... Քեզ ի՞նչ է հետաքրքրում, ո՞վ է քեզ հարցնում։ Ձեր սեփական գործով զբաղվեք: Տեսնու՞մ եք, թե ինչ օրի եք և ինչ վիճակում եք։ Նայեք դրան»:

Օգոստոսի 20-ին Կախա Կալաձեն Instagram սոցիալական ցանցում լուսանկար է հրապարակել, որտեղ երևում է, որ նա հավանաբար նստած է Mercedes G-class-ի կաբրիոլետում։ Թբիլիսիի քաղաքապետը գույքի վերջին հայտարարագրում նման մեքենա չի նշել։ Ըստ հայտարարագրի՝ նա ունի ընդհանուր առմամբ տասը թեթև ավտոմեքենա և մոտոցիկլետ, որոնցից ամենաթանկը՝ PORSCHE 911-ը, գնել է 150 000 ԱՄՆ դոլարով։