Թբիլիսիի քաղաքապետարանը նախատեսում է 8 576 967 լարի ծախսել ամանորյա միջոցառումների, այդ թվում՝ դեկտեմբերի 31-ին կայանալիք գալա համերգի և «Ամանորյա քաղաքի» կազմակերպման համար: Պետական գնումների գործակալության կայքում հրապարակված տեղեկության համաձայն՝ քաղաքապետարանը ցանկանում է անհրաժեշտ ծառայությունները ձեռք բերել առանց մրցույթի, պարզեցված գնման միջոցով։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
«Միջոցառումների առանձնահատկություններից ելնելով` նախատեսված միջոցառումների գերակշիռ մասը ինքնատիպ աշխատանքներ են։ Բացի այդ, վերոնշյալ գործունեությանը զուգահեռ առաջանում են որակյալ կատարողների հետ համագործակցության հարցեր, ինչն էլ իր հերթին հանգեցնում է ժամանակի սղության։ Ելնելով վերոգրյալից՝ անհնար էր նախապես պլանավորել գնումը»,- պարզաբանում է Թբիլիսիի քաղաքապետարանը։
Դեկտեմբերի 13-ից հունվարի 15-ը Թբիլիսիի քաղաքապետարանը նախատեսում է կազմակերպել «Ամանորյա քաղաք» և ժամանցային միջոցառումներ անցկացնել Օրբելիանիի հրապարակի հարևանությամբ, Չոր կամրջի վրա, Մայրենի լեզվի այգում և Արդարադատության տան ավտոկայանատեղիի հարևանությամբ։ Քաղաքապետարանից հայտնում են, որ քաղաքի բնակիչների և հյուրերի համար նախատեսված ամանորյա տարածքները հագեցած կլինեն հետաքրքիր ներկայացումներով, մշակութային, մարզական, կրթական, մանկական, տարբեր թեմատիկ միջոցառումներով և տարբեր ժանրերի համերգներով։
Նախատեսվում է կազմակերպել «Քաղցրավենիքի փառատոն» և «Թբիլիսիի Սուրբ Ծննդյան շուկա»։ Միջոցառումների ծրագիրը կմեկնարկի դեկտեմբերի 6-ին խորհրդարանի հարակից տարածքում կենտրոնական տոնածառի լույսերի վառման արարողությամբ։
