Օրթաճալա թաղամասի բնակելի շենքերից մեկում տեղի ունեցած պայթյունի հետևանքով տուժած 4 քաղաքացիներից մեկի՝ 25-ամյա երիտասարդի առողջական վիճակը ծանր է։ Այս մասին հայտարարել է «Նյու Հոսպիտալսի» կլինիկական տնօրեն Գիորգի Կորձախիան։ Բժշկի խոսքով՝ պացիենտն անգիտակից վիճակում է։
Լրահոս
Ընթերցողի ընտրանի
- 1 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 2 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 3 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 4 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 5 Զատուլինը գովաբանում է «Վրացական երազանքի» կառավարությանը «պրագմատիզմի» համար
- 6 Գերագույն դատարանի ցմահ դատավոր Շալվա Թադումաձեն նշանակվել է ներքին գործերի փոխնախարար
«Ներկայումս կլինիկայում է մնում 25-ամյա մի երիտասարդ, ում վիճակը բավականին ծանր է, ունի բաց կոնքի և սիրտ-կրծքավանդակի վնասվածք։ Հիվանդը անգիտակից վիճակում է, գտնվում է վերակենդանացման բաժանմունքում և արհեստական շնչառության տակ»,- ասել է Կորձախիան։
Երեկ երեկոյան հիվանդանոց տեղափոխված երկու վիրավորներից մեկը 12-ամյա երեխա էր։ Բժշկի խոսքով՝ անչափահասն առավոտյան դուրս է գրվել։ Երկրորդ տուժածը թեթև վնասվածքներ է ստացել։
Օրթաճալայում՝ Նիկոլոզ Չխեիձեի փողոցում, 9-հարկանի շենքում, որտեղ ապրում է մոտ 100 տեղահանված ընտանիք, պայթյունը տեղի է ունեցել ուշ գիշերին։ Պայթյունի հետևանքով մեկ մարդ մահացել է, չորս վիրավորները տեղափոխվել են հիվանդանոց։
Ըստ շենքի բնակիչների՝ պայթյունը տեղի է ունեցել չորրորդ հարկում և հավանաբար գազի արտահոսքից է առաջացել։ Ինչպես հայտնել են Թբիլիսիի քաղաքապետարանում, քաղաքային լաբորատորիան կպարզի՝ շենքը բնակելի է, թե ոչ։
