ორთაჭალაში, საცხოვრებელ კორპუსში აფეთქების შედეგად დაშავებული ოთხი მოქალაქიდან ერთის, 25 წლის მამაკაცის ჯანმრთელობის მდგომარეობა მძიმეა. ამის შესახებ „ნიუ ჰოსპიტალსის“ კლინიკურმა დირექტორმა, გიორგი კორძახიამ განაცხადა. ექიმის თქმით, პაციენტი უგონო მდგომარეობაში იმყოფება.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 გერმანიამ საქართველოში მომიტინგეებზე ძალადობაზე პასუხისმგებელ 9 პირს ქვეყანაში შესვლა აუკრძალა
„კლინიკაში ამჟამად 25 წლის მამაკაცი რჩება, რომლის მდგომარეობაც საკმაოდ მძიმეა, აღენიშნება ღია ქალატვინისა და გულ-მკერდის დაზიანება. პაციენტი არის უგონო მდგომარეობაში, იმყოფება ინტენსიური თერაპიის განყოფილებაში და არის აპარატულ სუნთქვაზე“, - განაცხადა კორძახიამ.
„ნიუ ჰოსპიტალში“ წუხელ გადაყვანილი კიდევ ორი დაშავებულიდან ერთ-ერთი 12 წლის ბავშვი იყო. ექიმის ინფორმაციით, არასრულწლოვანი დილით ბინაზე გაწერეს. მსუბუქი დაზიანებები აღენიშნებოდა მეორე დაშავებულს.
ორთაჭალაში, ნიკოლოზ ჩხეიძის ქუჩაზე 9-სართულიან კორპუსში, სადაც 100-მდე დევნილი ოჯახი ცხოვრობს, აფეთქება გვიან ღამით მოხდა. აფეთქების შედეგად დაიღუპა ერთი ადამიანი, ოთხი დაშავებული კი კლინიკაში გადაიყვანეს.
კორპუსის მცხოვრებლების თქმით, აფეთქება მეოთხე სართულზე მოხდა და ის, სავარაუდოდ, გაზის გაჟონვამ გამოიწვია. როგორც თბილისის მერიაში განაცხადეს, მუნიციპალური ლაბორატორია დაადგენს, კორპუსი საცხოვრებლად ვარგისია თუ არა.
