Թբիլիսիի պետական համալսարանի ռեկտորի պաշտոնակատարի թեկնածուների գրանցումն ավարտվել է: Մրցույթին մասնակցելու հայտ է ներկայացրել միայն մեկ թեկնածու՝ Շոթա Ռուսթավելու անվան ազգային գիտական հիմնադրամի գլխավոր տնօրեն և ԹՊՀ պրոֆեսոր Ջաբա Սամուշիան։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
Համալսարանի աշխատակազմի տվյալներով՝ առաջիկա մի քանի օրերին ընտրական հանձնաժողովը կստուգի Ջաբա Սամուշիայի ներկայացրած փաստաթղթերը, և եթե սխալներ չհայտնաբերվեն, ռեկտորի պաշտոնակատարի ընտրությունները կանցկացվեն հոկտեմբերի 20-ին։ Գիտխորհուրդը ռեկտորի ժամանակավոր պաշտոնակատար կընտրի գաղտնի քվեարկությամբ, անդամների մեծամասնությամբ՝վեց ամիսը չգերազանցող ժամկետով։ Այս ժամկետը լրանալուց հետո ռեկտորի ընտրության մրցույթ կհայտարարվի։
Ռեկտորի պաշտոնակատարի թեկնածուների գրանցումը սկսվել է հոկտեմբերի 11-ին և ավարտվել հոկտեմբերի 13-ին։ Այս գործընթացը դեռ չէր սկսվել, երբ Ջաբա Սամուշիային սոցցանցում շնորհավորում էին ԹՊՀ ռեկտոր դառնալու կապակցությամբ, այդ թվում՝ «Վրացական երազանքի» մերձավոր մարդիկ։ Սամուշիան ստիպված է եղել բացատրություն տալ այս մասին և ասել, որ իր ռեկտորի պաշտոնում նշանակվելու մասին սխալ տեղեկություններ են տարածվել։
«Նման բան չի եղել, և սա մի քանի գործակալությունների կողմից տարածված ապատեղեկատվություն է։ Հասկանալի է, թե ինչի են ձգտում, բայց այս անգամ դրա վրա չեմ կենտրոնանա։ Ցավում եմ, որ շատերն այս տեղեկությունն ընդունել են որպես հավաստի տեղեկություն: ԹՊՀ-ի կանոնադրությունը կարգավորում է ընտրությունների կանոնները, և ոչ ոք որևէ մեկին չի նշանակում»,- ասել է նա։
Ջաբա Սամուշիան 2010-2014 թվականներին եղել է Թբիլիսիի քաղաքային խորհրդի նախագահի տեղակալը։ 2014 թվականին նա երկրորդ ժամկետով ընտրվել է քաղաքային խորհրդի անդամ՝ «Վրացական երազանքից», իսկ մինչև 2017 թվականը ղեկավարել է գույքի կառավարման և ֆինանսաբյուջետային հանձնաժողովը։
«Մայիսյան ուսանողական շարժումը» պնդում է, որ Ջաբա Սամուշիան իշխանությունների կողմից նախապես ընտրված թեկնածու է, որին «կեղծ ընտրական գործընթացից հետո կնշանակի ոչ լեգիտիմ գիտխորհուրդը»։ Շարժման անդամները պահանջում են ցրել գիտխորհուրդը և փոխել ռեկտորի ընտրության կարգը։ Նրանք կարծում են, որ նոր ռեկտորին պետք է ընտրի պրոֆեսորների ամբողջական կազմը։
ԹՊՀ ռեկտոր Գիորգի Շարվաշիձեն հոկտեմբերի 7-ին գիտխորհրդին հրաժարականի դիմում է ներկայացրել։ Շարվաշիձեի պաշտոնավարման ժամկետի ավարտին մնացել էր 2 տարի։ Նա ռեկտորի պաշտոնը կզբաղեցնի մինչև հոկտեմբերի 15-ը։
